352/2025-2026

Khawzawl, dated 28th April 2025: Vawiin chawhnu dar 1 khan DC Meeting Hall-ah class IX leh X tana siam pre-matric scholarship chungchang sawihona neih a ni a, Khawzawl DC Pu K. Vanlalthiana'n hun a kaihruai.

DC Pu K. Vanlalthiana chuan pre-matric scholarship hi zirlai harsa te'n an zirnaah an tangkai pui em em a, Khawzawl district zirlai mamawh tak tak te'n kim taka an dawn theih nan tan lak dan tur sawi ho a tul thu a sawi. He scholarship atan hian Aadhar card neih a ngaih avangin class IX leh class X zirlai tam thei ang berin Aadhar-ah hming an ziah luh theih nan Aadhar camp buatsaih an rel a, scholarship chungchang, dil thei te, dil dan te, lehkha tul te leh tul dang inhrilhhriatna zau tak neih an rel bawk a ni.

He hunah hian Addl. DC Pu Lalfakzuala, SDO (Sadar) Pu Suvigya S. Chandra, SDC Pu Paul Rokima leh education department aiawhte an lo kal a ni.