RKVY hnuaia Khawzawl Horticulture Division chuan Khawzawl khawpui chhunga Thingfanghma (Papaya) chingtute hnenah vawiin khan Thingfanghma tiak leh tangpuina dangte a hlan.

Vawiin chawhnu  khan Khawzawl Horticulture Division Office kawtah Thingfanghma dawngtute hnena Thingfanghma tiak leh tanpuina dang hlanna pual hian hun tawi hman a ni a. Hetah hian Khawzawl Divisional Horticulture Officer (DH) Pu F. Lalthlamuana chuan RKVY hnuaia Thingfanghma chingtute chu Khawzawl Market-ah Thingfanghma  intodelh anih theihnan theih tawp chhuah turin a fuih a. Thingfanghma chingtute chu  theihtawp chhuah tur leh hlawhtling tlaka thawk turin a chah a, harsatna an nei anih chuan Horticulture Department mithiamte  inthlahrung lova pan mai turin a chah nghal a ni.

Vawiina RKVY hnuaia Thingfanghma tiak dawngtute hi mi 6 niin ram Hectare 1 a zauah Thingfanghma hi Tiak 480 theuh an phun dawn a. Thingfanghma an phun tur hi Red Lady Variety a ni a, Thingfanghma tiak bakah hian hmanrua chi hrang hrang bakah pawisafai an dawng a ni. Vawiina an sem chhuah Thingfanghma Red Lady Variety tiak hi Khawzawl Horticulture Division in Tuipawl Farm-a an kui tiah a ni.

RKVY hnuaiah hian Khawzawl Horticulture Division hnuaiah hian Thingfanghma bakah hian Sapthei-ah pawh hmalak a ni a, tunah hian Tualte khuaah RKVY hnuaiah hian chhungkaw 20 in Sapthei an ching mek a ni.