DIRECTORATE OF INFORMATION & PUBLIC RELATIONS, Government of Mizoram, India

Vawiin chawhnu hian Serchhip District MiMIR Committee chu an Chairman Pi Sangchhin Chinzah, Chairman District MiMIR Committee kaihhruaiin an thukhawm a, District chhung khaw hrang hrang atanga MiMIR intihsiakna a telte Project endikin a titha zual 20 an thlang chhuak.

Mipui Mamawh Intawm Ruahmanna (MiMIR) intihsiakna, New Economic Development Policy (NEDP) hnuaia Serchhip District a buatsaihah hian Serchhip District chhung Village Council 49 atangin Village Council 44 ten an Project te an thehlut a. MiMIR Guidelines sawi angin heng Project lutte hi District MiMIR Committee chuan endikna tur Criteria siamsa zulzuiin an endik ta a, a titha zual 20 an thlang chhuak ta a ni. A titha 20 khuate hi an Project sawifiahna hun ni 31.07.2018 hian DC Conference Hall ah buatsaih sak leh an ni dawn a, chuta tang chuan a tha ber thlan chhuah a ni ang, thlan chhuah chu a Concern Department ten Detail Project Report an siam sak anga, NEDP atangin chu hna chu thawh sak an ni dawn a ni.

Serchhip District bika MiMIR intihsiaknaa a titha zual thlan chhuah 20 te (cluster wise) chu a hnuaia mi ang hi an ni:

S/n	Cluster	Name of Village	Project Name
1	26 -Serchhip	Serchhip III	Construction of Community Check Dam
2	26 -Serchhip	Thenzawl West	Loom Upgradation and Product Diversification
3	26- Serchhip	New Serchhip North	Smart Roadside Bazar cum Multipurpose Hall
4	26 -Serchhip	Serchhip V	Construction of Check Dam & Link Drain
5	26- Serchhip	Serchhip VI	Construction of Check Dam & Link Drain at Hmawngawn Lui
6	26- Serchhip	Serchhip I	Construction of Village Drainage Pattern
7	26 -Serchhip	Thenzawl East	50 KWP Solar Power Plant
8	27- Tuikum	Khumtung	Banana Processing Industry
9	27- Tuikum	Lungpho	Khawl hmanga Tui Pump
10	27- Tuikum	Vanchengpui	Construction of Water Reservior
11	27- Tuikum	Thentlang	Construction of Water Reservior
12	27- Tuikum	Rullam	Chalphai Project
13	27- Tuikum	Chhuanthar Tlangnuam	Chhuanthar Tlangnuam Livelihood Project
14	27- Tuikum	Hualtu	Phaihuan Zau Project
15	28- Hrangturzo	E. Lungdar	Lung Quarry Project
16	28- Hrangturzo	Khawlailung	Production of High rate of Kurtai & Marketing
17	28- Hrangturzo	Leng	Hmasawnna lamlian & Faina lamtluang
18	28- Hrangturzo	Bungtlang	Conjunction of Bungtlang Link Roads
19	28- Hrangturzo	Piler	Bawng Vulh
20	28- Hrangturzo	Sailulak	Sial Vulh

te an ni a, Project Cost hi MiMIR Guidelines angin Rs. 1 Crore chin a ni.

District Bawrhsap leh MiMIR Committee Chairman ni bawk Pi Sangchhin Chinzah chuan, khaw hrang hrangten Project an rawn thehluhte chu Project tha leh tangkai, khawtlang tana pawimawh tak vek an nih hlawm thu a sawi a. An zavaiin tha vek mah se ruahmanna awmsa angin a titha zual thlan chhuah an ngaia, chung ho atang chuan a titha ber thlan chhuah leh a ngai a. MiMIR Guidelines in a thlan dan tur (Criteria) min pek angin uluk takin Committee in a zirchianga, kan fimkhurin kan thlang uluk hle a ni, a ti.

A titha thlan chhuah te hian 31.07.2018 hian DC Conference Hall ah an Project te sawifiaha inelna an nei zui leh ang.