Kumin Republic Day Khawzawla hman zawh tak thlirletna chu vawiin khan Bawrhsap Pu H.Lianzela, kaihhruainain DC Conference Hall-ah neih a ni.

Meeting kaihruaitu Pu H. Lianzela chuan Republic Day 2020 lawmna felfai tak leh hlawhtling taka hman a ni chu lawmawma tih thu leh hemi atana inbuatsaihna tha a tih thu a sawi a. Mawhphurhna hrang hrang nei ten hlenchhuak thei chu fakin khaw mipuite tawiawmnaah lawmthu a sawi a ni.

Addl. DC Pu Paul L. Khuma chuan Khawzawla Republic Day hman dan tlangpui tarlangin, inbuatsaihna tha a tih thu leh he hun hmang tura chanvo hrang hrang nei ten hneh taka an chanvo an hlen chu fakawm a tih thu sawiin, department hrang hrangte thawhhona that vang ni a a hriat thu a sawi a. DC Bungalow tuala 'At Home' neih pawh sawm bikte an kal thain a hlawhlting hle a hriat thu a sawi bawk a ni.

Meeting-a tel ten Republic day lawmna DC hova Khawzawla neih tumkhatna chu felfai leh hlawhtling hle a an hriat thu an sawi a. Pathianni zing a lawm ni chunga Pathian biak inkhawm tibuai hauh lova hman a ni thei chu lawmawm an tih thu an sawi a. Republic Day lawmna hmun Mualvawm Field Pavilion chhe tawh lutuk leh te lutuk chu tihlena cheithat nise tih an thlen a ni.

He hunah hian Republic Day Day hmana atana thawhlawm thawh khawm leh a hman dan chipchiar taka tarlan a ni bawk.