No.3702/2021-2022

Aizawl, the 17th January, 2022: Vawiin khan Khawzawl DC Conference Hall-ah Republic Day 2022 lawm dan tur chungchang relin Bawrhsap Pu C.C. Lalchhuangkima hovin meeting neih a ni. Meeting-ah hian Khawzawl Town chhunga Head of Office-te an tel a ni.

Meeting chuan kum 2022 Republic Day lawmna chu Deputy Commissioner Office tualah ni 26.01.2022 zing dar 7:30 ah neih nise a ti a. Khuallian atan Khawzawl District Bawrhsap Pu C.C. Lalchhuangkima chu ruat a ni a. He hunah hian Covid-19 avangin Ceremonial Parade neih a ni dawnlo a, Head of Office-te chauh kal theih a ni dawn a. Faina hapta lawmman sem a ni bawk ang.

Mipui tam zawk kal theih a nih dawn loh avangin Republic Day lawmna programme chu mipuite hmuh theih turin DC facebook page bakah Khawzawl local TV atanga pek chhuah tum a ni a. Hrileng avangin At Home hman thin pawh thulh mai nise ti a rel a ni bawk.

Republic Day lawm ni hian Khawzawl chhunga Office hrang hrang leh VC te chu zing ni chhuah atanga tlai ni tlak thlenga Hnam puanzar zar theuh tura beisei an ni a. Republic Day pualin Khawzawl Town chhunga Office zawng zawngten pawisa thawhkhawmin District Hospital, Khawzawl leh Chhanchhuahna Home, Zuchhip hmun hluia awmte chu tanpuina pek nise tih a ni bawk.