3378/2022-2023

Khawzawl Rday 2023.pdf

Khawzawl, the 26th January, 2023: Khawzawl District-a India Republic Day vawi 74-na lawmna chu tukin dar 9:30 khan Mualvawm Field-ah neih a ni a, Pu C.C. Lalchhuangkima, Deputy Commissioner, Khawzawl District chu khuallian niin hnam puanzar a pawtpharha, Republic Day thuchah a sawi a ni.

Khuallian District Bawrhsap Pu C.C. Lalchhuangkima chuan Khawzawl District mipuite chu India ramin ama danpui constitution siam ngei a hman champha vawi 74-na Republic Day 2023 puala chibai bukin, ram zalenna sualtu leh ram danpui duang chhuaktute hriatreng an nih thu a sawi a. Ram danpui tha tak hnuaiah hmasawnna kalpui zel a nih thu leh Khawzawl District pawh August ni 12, 2019 a hawn a nih hnuah Office awmsate thuam tha zelin Office tharte pawh hawn belh zel a ni a, phuisui lam kan pan ve zel a ni, a ti bawk.

Khawzawl District chhunga Sawrkar Office hrang hrangte dinhmun leh hmasawnnate a tarlan atanga a lan danin, DC Office kaltlangin kum kal mekah Tribal certificate 907, Residential Certificate 989, Income Certificate 1409, Religion certificate 162, Unmarried Certificate 81, Character Certificate 50, Tax exemption certificate 10, ILP 110 leh Arms license 14 te pek chhuah a ni a. SDRF atanga tanpuina Rs. 14,41,730/- pek chhuah tawh a ni bawk. Khawzawl District Sports Commitee pawh Sawrkar order angin din fel tawh a ni a, tunah hian sports discipline hrang hrang 16 te Khawzawl District Sports Commitee hnuaiah an awm tawh a ni. District Child Protection Unit hnuaia CWC kaltlangin case hi 42 ziahluh tawh niin chung zinga case 39 te chu chinfel tawh niin, case pathum buaipui mek a ni a. JJB kaltlangin case 6 ziahluh tawh niin, case 5 chinfel tawh ani a, case 1 buaipui mek a ni bawk. Nu in fa pakhatna a paia tanpuina pawisa fai a dawn thinna PMMVY scheme chu mi 580 in an dawng tawh a. Irrigation & Water Resources Department hmalaknain ground water solar pumping project Tuisen Phai, Khawzawlah kalpui mek a ni a, January chawlhkar thumnaah zawh fel hman tum a ni.

District Agriculture Office kaltlangin kum 2022 chhung hian Sawrkar flagship programme, SEDP - Pilot Project hnuaiah chhungkaw 898 hnenah vaimim chi kg 20 theuh pek a ni a, chhungkaw 25 hnenah fu chi 4000 theuh pek an ni bawk. Family Oriented SEDP hnuai atangin Tuichang AC chhunga vaimim leh bekang chingtu chhungkaw 628, fu chingtu 22 leh WRC (leilet) siamtu 163, an vaiin chhungkaw 813 hnenah cheng 25,000 theuh chhawmdawlna pek a ni. Sericulture Department hnuaiah kum 2022-23 chhungin farmer 83 ten thingtheihmu pangang cocoon kg 1605.10 an thar a, Nauthak pangang cocoon 6006 leh Mutih pangang cocoon kg 7 an thar bawk. JJM hnuaiah financial year 2022-23 chhungin thingtlang chhungkaw 4408 connection pek niin Khawzawl District-ah khaw 21 ah tui connection (FHTC) in tinah pek tawh a ni. Gravity hmang a tui lak tur nei lo khaw 8 te hnenah Solar tha hrui chakna hmanga tui pump tura hmalak niin hna hi chak taka thawh mek a ni a, khaw 7 ahte hna thawktu tur Contractor thlan fel tawh an ni. JJM hnuaiah additional fund Riangtlei khaw tan Solar pumping propose mek a ni a. NABARD hnuaia thawh Chawngtlai Solar Water Pumping Scheme chu commission fel a ni a. Khawhai-Lungtan Solar Pumping tur thlan fel tawh niin, Ngaizawl Solar Water Pumping Scheme buatsaih mek a ni a. Khawzawl khawpui tui hnianghnar zawka pek a nih theih nan AMRUT 2.0 leh NESIDS atangtea thawh turin concept note thehluh tawh a ni bawk.

District Hospital-ah naute damlo enkawlna hmun bik NBSU (Newborn stabilization Unit) sak zawh a ni a, CMO building sak mek a ni. 20 MW Vankal Solar Park hawn mai theih tura hmalak mek anih rualin, Khawzawl District vek Biate khuaah 5 MW pe chhuak thei turin Ralvawng tlangah hmalak mek a ni. Sialhawk, N.Chalrang, Tlangpui, Khawhai, Chalrang, Vangtlang leh Tlangmawi khuaahte Lakhuihthei quintal 18,090 thar chhuah tawh a ni a, State pawnah quintal 1,420 thawn chhuah tawh niin, heng zinga quintal 10 hi UAE a thawn chhuah a ni. Lakhuihthei hralhchhuahna atang hian cheng nuai 216.9 lei chhuah a ni. Off Season Tomato hnuaiah Tualte khuaah hlawm lian taka hmalak a nih mai bakah Khawhai, Chawngtlai, Rabung, Neihdawn leh Khawzawlahte pawh hmalak a ni a, kum 2022-23 chhung hian quintal 16,000 thar chhuah tawh niin, heng atang hian cheng nuai 560 leichhuah tawh a ni.

District Vety Hospital-ah ran chi hrang hrang 1417 enkawl niin, ran zai 58, ui hri danna pek 116, Vawk hri danna 850, NADCP hnuaiah FMD vaccine Bawng, Lawi leh Sial 600 te pek a ni a. ASF avangin Khawzawl District-ah Vawk 427 thiin, suat 88 a awm bawk a. Kum 2021-22 Financial year kal mekah December 2022 thlengin Job Card neite ni 69 inhlawhna pek tawh an ni a. Azadi ka Amrit Mahotsav lawm nan, Mission Amrit Sarovar hnuaiah MGNREGS atangin Block huamchhung khaw hrang hrangah tuikhuah 115 siam anih bakah Rural Sanitation hnuaiah Khawzawl khawpui chhung veng 10 ah bawlhhlawh tawihthei paihna tur Compost Pit chhungkua 644 tan siamsak an ni bawk.

Khawzawl RD Block hnuaiah PMAY-G Awass+ beneficiary mi 719 an awm a, 2021- 22 financial year kal mekah target 293 an awm a, tunah hian chhungkaw 133 hnenah 1st Installment cheng nuai 60.515 pekchhuah tawh PMGSY scheme hnuaiah 2022-23 chhungin kawng 6 thawh a awm a, pahnih zawhfel niin hna thawh mek kawng 4 (pali) la awm a ni. SBM (U) hnuaiah Khawzawl khawpui chhungah tawih thei leh thei lo thliar hran vek a ni tawh a, Khawzawl Khawpui chhunga chhungkaw 700 te chu Home Compost Pit siam sak niin hmalak chhunzawm zel tum a ni.

PMAY - Housing for All hi Khawzawl District-ah an vaiin chhungkua 2045 an awm a. Tun dinhmunah 1st DPR atangina mi 996 (Khawzawl -824, Khawhai-86, Biate-86) ten 1st Installment an dawng tawh a, mi 689 (Khawzawl-555, Khawhai-51, Biate-83) in 2nd Installment an dawng tawh a, mi 80 (Khawzawl-24, Khawhai-6, Biate-50) in 3rd Installment an dawng tawh a ni. Heng bakah hian District chhunga hmasawnna hrang hrangte tarlangin, nasa zawka hmasawnna hna kalpui theuh turin distict chhunga sawrkar hnathawk leh mipuite a sawm a, inpekna thar leh phurna rilru thar nen district mai ni lo, ram tana hna thawk sauh sauh turin a sawm a ni.

Parade Commander Inspector Rochhara Chhangte kaihhruaiin Armed Contingent 1 Unarmed Contingent 3 leh School Contingent 10 ten Republic Day Parade mawi tak an entir a. School Contingent atanga titha lawmman dawngtute chu:
Pakhatna: PES Vengthar
Pahnihna: Grace Foundation School
Pathumna: Khawzawl HSS (Girls)

Republic Day 2023, Khawzawl District-a lawmna hunah hian Lalchhanhimi (Weightlifter) D/o B.Lalzenawna, Darngawn Veng; Khawzawl Higher Secondary School Girls Volleyball Team; Guite Vanlalpeka (Footballer) S/o VL Hmangaihzuala, Zuchhip Veng; Lalchhanchhuaha (Boxer) S/o Lalhruaitluanga Varte, Electric Vengte bakah Vanlalpanzeli, (Student) D/o Landry Lalrinfela, Kawnzar Veng; Mizorama khaw fai ber Biate khua, Sipai Lui SHG Kawlkulh leh SI VL Chama Ralte te chawimawina hlan an ni bawk.