2623/2026-2027

Dated Khawzawl, the 12th October, 2026 : Vawiin khan Khawzawl Deputy Commissioner Office leh District Information & Public Relations Office te huaihawtin Right to Information Week, 2026 pualin DC Conference Hall-ah hun hman a ni a. Khawzawl Deputy Commissioner Pu K. Vanlalthiana chuan khuallian niin a hmanpui.

Khuallian Pu K. Vanlalthiana chuan thu sawiin, RTI Act-in a tum chu sawrkar dik, langtlang leh mawhphurhna la ngam siam te, eirukna laka fihlim te a nih thu a sawi a. He Act hmang hian mipuiin sawrkar hnthawkte chu eirukna lakah an filhim ngei a ni tih an fiah thei a ni, a ti a. Mipuiin information an dil chhuah kher ngai lovin, sawrkar office hrang hrangte hian website-ah information pawimawh tar lang turin kalkhawmte a fuih a. Chutihrualchuan, he RTI Act hi mimal inbeihna emaw intihmualphona atana hman tur a ni lo tih sawiin, information tangkai lo dila, sawrkar hnathawkte an hna pawh thawk mumal hman lo khawpa tihbuai na tura hman tur a ni lo, a ti a. He dan hi information tangkai dil chhuah nan leh sawrkar dik leh langtlang a awm theih nan hmang turin kalkhawmte a sawm.

Vawiin inkhawm hi Khawzawl District Information & Public Relations Officer (DIPRO) Pi Lalchungnungi Lakher chuan a kaihruai a. Sub-Deputy Commissioner Pu R. Lalrinhlua chuan Right to Information Act chungchang power-point presentation hmangin a sawifiah a. Office hrang hrang hotute, Sub-Htqrs YMA, MUP, MHIP, VC leh MJA hotute thahnem tak an tel a ni