2636/2024-2025

Khawzawl, dated 22nd October 2024: Vawiin khan Khawzawlah District Development Office, Khawzawl bul tumin Khawzawl DC Office Auditorium-ah sangha khawitute tan training buatsaih a ni a, DC Pu K. Vanlalthiana chuan khuallian niin he hun hi a hmanpui.

Training hi session hnih a then niin, session khatna hi training hawnna programme a ni a, Pu Zohmingthanga, DFDO in a kaihhruai a, session hnihnaah hian Pu Zohmingthanga, DFDO vekin kalkhawmte hnenah hian training a pe a ni.

Khuallian Pu K. Vanlalthiana chuan thu sawiin training chhim tur a rawn kalte chu an hun leh tha senga sangha khawi training an rawn chhim chu a lawm thu a sawi a. Khawzawlah sangha duh hun hunah hmuh tur a awm meuh lo ni a a hriat thu sawiin, training-a telte chu Khawzawl District in sangha ei tur hnianghnar a kan nei leh neih loh chu an kut a a innghah thu a sawi. Fisheries hotute chu fakawm a tih thu sawiin, beneficiaries an thlan kawngah pawh duhsak bik an nei lo ni a a hriat thu a sawi a, taima taka thawkte duhsakna chang an hria chu lawmawm a tih thu a sawi. Training a rawn kal zawng zawngte chu rilru inhawng tak puin thiam sa leh tawn hriat tawhte in hrilh hre tawnin, uluk takin an thilzir turte zir a, hun hlawkthlak tak hmang turin a chah a ni.

Pu Malsawmpuia, LDC, District Development Office chuan lawmthu sawina a hman hnuin session khatna hi tih tawp a ni a, session hnihnaah hian Pu Zohmingthanga, DFDO-in sangha khawitute hnenah zirtirna a pe a ni.