2637/2024-2025

Dated Lawngtlai, 22nd October, 2024 : Deputy Commissioner's Office, Lawngtlai District bultuma 'Citizen Care- Grievance Redressal Day' (Khua leh tuite Ngaihsak-Harsatna Chinfel Ni) hman lo nitawh chu a thawh thum  nan  vawiin khan  DC Conference Hall -ah hman a ni leh a. Zing dar 11:00 atanga tlai lam dar 2:00 thlengin  sawrkar department hrang hrangte chu mipuite dawr theihin an inpho chhuak a ni.

'Khua leh tuite Ngaihsak-Harsatna Chinfel Ni' puala hun hmannaah   hian sawrkar Department 13 - Superintendent of Police (SP), Executive Engineer (PHED), Executive Engineer (P&E), District Research Officer (DRO), Chief Medical Officer (CMO), District Transport Officer (DTO), District Commissioner of State Tax, District Civil Supplies Officer (DCSO), Project Director, DRDO,Lawngtlai, Election Officer (EO),  District Education Officer (DEO)  leh  Lead Bank Manager (SBI) bakah Deputy Commissioner's Office,  te chu mipuite dawr theih turin dawh kan hrang hrangah an innpho chhuak a ni.

'Khua leh tuite Ngaihsak-Harsatna Chinfel Ni' hman tawhah mipuiten  hlutin an ngaipawimawh hle a, mi thahnem takin department hrang hrang inpho chhuak te hi dawrin, harsatna an neih ang angte an thlen nghal thin a. Vawiin hun hmanna pawh hi mipuiten hlutin an ngaihpawimawh hle a; mi tha hnem takin sawrkar department hrang hrang inpho chhuakte hi dawrin an harsatnate an thlen nghal a, hlawk thlak an tih thu an tarlang bawk.