2479/2026-2027 

Dated Khawzawl, 1st October, 2026: Vawiin khan SIR 2026 Post SIR Appeal and Hearing chungchangah  Dy. District Election Officer leh  Addl. DC, nibawk Pu K. Zorammuana hoin, a Office Chamber-ah press briefiing neih a ni.

Special Intensive Revision atana final Electoral Roll chu ni 07.09.2026 khan tlangzarh a ni a. Ni 09.09.2026 khan Final Roll tichhuah taka lungawi lohna nei tan District Magistrate hnenah ziak in roll tihchhuah atang ni 15 chhungin District Magistrate hnenah appeal theih a nih thu hriattirna tih chhuah a ni.

Hun tiam chhungin mi 18 hnen atangin appeal lehkha dawn a ni a, Appeal dawn zinga mi 15 tan ni 18.09.2026 khan District Magistrate ho in hearing neih tawh a ni a. Midang 3 tan hian hun remchang hmasa berah hearing hi neih leh tur a tih a ni.

Hearing neih tawh zingah mi 6 (paruk) dilna chu ngun taka ngaihtuah anih hnuah pawmsak an ni a. Electoral Roll-ah an hming thun leh tur a ni. Appeal pawm a nih chhan chu an nu emaw an pa emaw SIR 2005-ah chuang tih hmuhchhauh a nih bakah India khua leh tui dik tak an nihna tichiang thei tur document pawimawh an neih vang an ni.

Appeal thehlut zinga mi 9 (pakua) te erawh chuan India khua leh tui an ni tih finfiah theihna tur engmah a awm lova. Tin, anmahni ngelin Myanmar atanga rawn pem thla an ni tih district Magistrate hmaah an pawm avangin an dilna hi chu hnawl a ni thung.

Tunah hian Continuous Updation kapui leh nghal mek a ni a. SIR 2026 kalpui a nih laia roll a in thun ve hman lo emaw hmaih palh emaw kum tling thar te tan inziahluhna hun hawn leh mek a ni a. Electoral Roll a chuang thei diktak te ziahluh an nih theihna tur hian Enrollment Drive hi Booth Level tinah BLO te kaltlangin neih chhunzawm tur a ni.