2480/2026-2027 

Aizawl, the 1st October, 2026: Mizoram Civil Service (MCS), Mizoram Information Service (MIS) leh Mizoram Finance & Accounts Service (MF&AS) Officer Trainees 34, Administrative Training Institute (ATI), MINECO, Aizawla Foundation Training nei mekte chuan vawiin chawhnu khan Larsap General (Dr) Vijay Kumar Singh, PVSM, AVSM, YSM (Retd) chu Durbal Hall, Lok Bhavan-ah an kawm.

Larsap General (Dr)Vijay Kumar Singh chuan MCS, MF&AS leh MIS officer tharte chu mipui rawngbawl an ni tih in hre tlat tur leh harsatna sukiangtu nih tum turin a chah a. Danglamna thlen thei dinhmuna an din hunah hmasawnna leh danglamna thlentu nih tum tura fuihin, hna zirlai mek in ni a, nakin zela in buai loh nan training chhawr tangkai ang che u a ti a. Officer tharte chu tunlai thiamnate ngaipawimawha in inherrem zung zung thei tura chahin, rinawmna, inpekna leh taimakna vawng tlat turin a chah a. Nakin lawka Mizoram sawrkar inghahna leh hmachhuan turte an nih avangin tun atanga inthlahdah lova theihtawp chhuaha inzir turin a chah a ni.

He hunah hian ATI Director Pi Rita Lalnunmawii Pachuau chuan training kalpui dan tlangpuite Larsap hi hrilhin, kuminah a vawi khat nan Mizoram Police Service (MPS) officer training ATI Mizoramah buatsaih a nih thu a sawi bawk.

He hunah hian Pi Lalnunmawii Varte, Core Faculty, ATI Mizoram pawh a tel a ni.