2481/2026-2027

AIZAWL; the 1st October, 2026: Vawiin chawhnu khan DC Pisa Pui Hall-ah SIR 2026 neih zawh hnuah Aizawl District- a  appeal awmdan leh  Aizawl District dinhmun leh hmalakna chungchangah  DEO, Aizawl District aiawhin Pu Zoramsiama Hmar, Addl. DC chuan  chanchin thehdarhtute  kawmna hun (Press Meet) a nei.

Election Commission of India thuchhuak angin ni 20.05.2026 aṭanga ni 07.09.2026 inkar hun chhungin Mizoramah Special Intensive Revision, 2026 kalpui a ni a, SIR 2026 Final Electoral Rolls chu ni 07.09.2026 khan tlangzarh a lo ni tawh a ni. SIR 2026 neih zawh hnuah Aizawl District- ah appeal te dawn khawm mek a ni a, tun dinhmuna appeal awmdan leh SIR 2026 neih zawh taka Aizawl District dinhmun leh hmalakna te chu hetiang hi a ni:-

1. Aizawl District a SIR Final Electoral Rolls-a Elector awmzat = 2,78,114.

Mipa = 1,28,541. Hmeichhia= 1,49,576.

2. Aizawl District huam chhunga Assembly Constituency 12-ah hian Service Voter 1346 an awm a ni.

3. Final E-roll leh Draft E-roll a voter pun belhna zat = 5748 (i.e 2.11%).

4. APPEAL: SIR 2026 Final Electoral Roll published hnu ni 15 chhungin appeal hi thehluh hun hawn a ni a, hemi hun chhung-a Aizawl District chhunga appeal kan dawn dan hetiang hi a ni:

5. Aizawl District huam chhunga appeal te hi ni 6.10.2026 aṭanga ni 23.10.2026 chhunga hearing neih tura ruahman a ni.

6. Tun dinhmunah ECI in continuous updating for electoral roll chu a hun a hawng mek a, hemi-ah hian form – 6, 7 leh 8 te hmangin inthun thar, siamṭhat (correction) leh inpaih (deletion) te tih theih a ni a, tih mek zel a ni bawk a ni. Continuous updation hunah hian vote nei thei tura kum tling thar, electoral roll a la lut lo te chu an luh ngei theih nana dil tur in mipui lamah pawh BLO te kaltlangin hriattirna te pek a ni bawk a ni.