2143/2026-2027 

Dated, Khawzawl, the 9th September, 2026 :  Vawiin khan sawrkar laipui hmalakna ‘Understanding of Lifelong Learning for All in Society’ (ULLAS) Fortnight pualin Khawzawl khawpui chhunga Middle School naupangten kawng an zawh a. ULLAS Fortnight hi September 1 -14, 2026 chhung India ram pum huapa hman mek a ni.

Kawng zawh hawnna inkhawm hi Pu Rohmingliana O/A chuan a kaihruaia, Pu Francis Lalruattluanga, Sub-Divisional Education Officer (SDEO) chuan ULLAS nihphung leh pawimawhnate zirlai kalkhawmte hrilhin zirlaite fuihna thu ngaihnawm tak a sawi a. Rally-ah hian naupangten placard-te kengin, ‘zirna mitin tan’, ‘zirna ram leh hnam hmasawnna’, ‘lehkha thiam hi changkanna’ tih slogan-te hmangin an au rual bawk a. He rally-ah hian school 8 aṭangin naupang 80, zirtirtu 8 leh office staff te an tel a ni.