3088/2023-2024

Khawzawl, 18th December 2023: Vawiin khan Khawzawl District- a 'Viksit Bharat Sankalp Yatra’ kalpuina tur Mobile IEC Van vailiamna hun Khawzawl DC Complex- ah neih a ni a, Pu Lalfakzuala, Addl DC leh Viksit Bharat Sankalp Yatra-a District Nodal Officer ni bawk chuan Mobile IEC Van hi a vailiam.

Viksit Bharat Sankalp Yatra - hi sawrkar laipui scheme-te mipui ten chiang zawka an hriat theih nan leh a dawngtu tur ngei ten hamthatna an dawn theih nan inhrilhriat tharna leh inziahluhna hun hawn tur a ni a. VBSY kalpui nan hian Khawzawl District hian IEC (Information, Education and Communication) Mobile Van pakhat dawngin, hei hian Khawzawl District chhunga khaw awm zawng zawng te chu a tlawhchhuak ang.

Viksit Bharat Sankalp Yatra hi vawiin hian Khawzawl khaw chhungah hian hmun hnih - Khawzawl Zaingen leh Khawzawl Electric Veng Hall-ah neih a ni a. Van hian January ni 19, 2024 thlengin Khawzawl District-a khaw hrang hrang te a fangkual dawn a ni.