3087/2023-2024

Dated Saitual the 18th Dec 2023: Vawiin khan Saitual DC, Dr Lalngura Tlau chuan VBSY Campaign chu DC Office tual atangin avai liam.

He vailiamna hun Saitual DC office kawt a neih ahhian, Vikasit Bharat Sankalp Yatra(VBSY) Campaign Van vailiamtu Dr Lalngura Tlau chuan VBSY chu sawrkarin,ram leh mipuite tana scheme hrang hrang a duan leh a ruahmante a chhawr tur mipuiten an lo hriat a,an lo tangkaipui ngei tura duan a nih thu sawiin, VBSY hnuaiah hian VAN hmangin khawtina mipuite hnenah awareness campaign neih tura duan a ni, a ti a. Huan leh lo neitute tan drone demonstration te pawh neih tur a nih thu sawiin, leaflet te semin,Prime Minister thuchah sawite pawh video hmanga tihlan tur a ni dawn a ni, a ti.

He campaign hi ni November ni 15, 2023 atanga ṭan tawh a ni a,inthlanpui nei state te tan chuan MCC zawh hnu 3rd Nov tangin tan a ni a, 26th Jan 2024 thleng awh tura ruahman a ni.

Saitual District tan District control Room Centre hi DRDO Office ah dah a ni a, DC office leh DRDO Office ah IT-in-charge pahnih ruat an ni. Document pawimawh leh thlalak pawimawh zawng zawng te an lo upload thin tur a ruahmanna siam a ni bawk.

Vawiin a VBSY Campaign Van vailiamna ahhian Saitual DC, Project Director, DIPRO, line department aiawhte leh head of office thenkhat te an tel a ni.