4117/2024-2025

Khawzawl, dated 6th February 2025: Vawiin khan Khawzawl Village Council inthlanpui 2025 atana ruat Election Observer, Pi Melody Ngurthantluangi, Joint Director, Commerce and Industries chuan Khawzawl district a polling station hrang hrang a fang.

Election Observer Pi Melody Ngurthantluangi chuan Khawzawl Darngawn, Khawzawl Zuchhip, Khawzawl Dinthar, Khawzawl Vengthar I and II, Khawzawl Hermon leh Ngaizawl polling station te a tlawh a, returning officer te leh booth level officer te hovin polling station a enfiah. An inrem dan leh inpuahchah dan te enin tih dan tha zawk te a ngaihtuah pui a, an mamawh te zawtin tha thei ang bera inthlan a kal theih nan thil tul apiang hreh lova hotute hnena thlen zel turin a chah a ni.

Election Observer Pi Melody Ngurthantluangi hian naktukah inthlanpui atana ruat nodal officer te leh party mi te a thutkhawm pui dawn a, Chawngtlai polling station a tlawh dawn bawk a ni.