4118/2024-2025

Dated Cachar the 6th February 2024: Vawiin chawhnu khan Kolasib DC, Pu Robert C Lalhmangaiha leh Cachar DC, Pu Mridul Yadav, IAS, Pu David H Lalthangliana, Kolasib SP leh Pu N Mahato, Chachar SP ten Cachar DC Conference Hall-ah inkawmhona an nei.

He hunah hian a tul anga thawhho dan tur leh inhriatthiam tawnna tha zawk neih theihna atana pawimawh thil chi hrang hrang sawiho a ni a. Kolasib DC chuan Mizoram ina VC inthlan an hmachhawn turah ramri leh a chhehvel ah dan leh thupek kenkawhna lamah a tul anga thawhpui turin a sawm a. Inpawhna tha zawk a awm theih nan Kumin Chapchar kut lo thleng turah pawh Kolasib a hmanpui turin a sawm nghal a ni.

Heng bakah hian NHIDCL hmalakna a 4 lane kawngpui laih tur chungchang sawihovin Kolasib ah meeting neih nise anti a, state pahnih ramri hnaih a cheng te harsatna an tawh loh nan leh thlamuang taka an awm theih nan Minister level a inbiakna a joint resolution anlo siam tawh chu vawng zel chungin a tul anga thawh dun zel nise anti bawk. He hunah hian Pu David H Lalthangliana, Kolasib SP pawhin Cachar SP leh a hoten Mizoram Police te kawng hrang hranga an thawhpuina ah lawmthu a sawi a, hun lokal lehzel ah pawh thawhdunpui turin a sawm nghal bawk a ni.

He hun hi August ni 9, 2024 a State pahnih Home Minister ten Assam leh Mizoram ramri ah inpawhna leh thawhhona tha zawk a awm theih nan, DC leh SP level ah inbiakna neih thin ni rawhse tia an thu dah bawhzuina niin, Cachar district atangin Pu. Mindal Yadav IAS DC Cachar, N Mahato APS SP Cachar, Vijay Palve DFO Cachar leh official engemawzat telin, Kolasib atangin Pu Robert C. Lalhmangaiha DC Kolasib, Pu David H. Lalthangliana SP Kolasib leh  David Lalhmingchhuana DIPRO Kolasib te an tel a, Pu Lalhmingliana DRC Silchar Mizoram house in Silchar atangin a tawiawm bawk a ni.