2887/2023-2024

Khawzawl, 30th November 2023: Vawiin khan Khawzawl District Election Officer, Bawrhsap ni bawk Pu K. Lalrohlua hovin a office chamber-ah MLA General Election- 2023 Vote chhiar hun December ni 3, 2023-a ECI duhdan anga venhimna kalpui dan turte sawiho a ni.

Vawiin thutkhawmah hian vote chhiar nia Electronic Voting Machine-te Strong room atanga Counting Hall panpui dan tur ruahmanna felfai taka siam niin, Counting Area chhunga venhimna kalpui dan turte sawiho zui niin ruahmanna siam a ni bawk.

Khawzawl District chhunga vote tla te hi Khawzawl DC Conference Hall-ah December ni 3, 2023 ah chhiar a ni dawn a. Zing dar 8 atangin Postal Ballot-a vote tla te chhiar an ni ang a, dar 08:30 atangin EVM-a vote tla te chhiar tan a ni thung ang.

Vawiin thutkhawmah hian Khawzawl District chhunga RO, Addl.DC, ARO, SP, Addl.SP, 2nd IR Deputy Commandant bakah Election Officials dangte an tel a ni.