No.4323/2021-2022

Aizawl, the 18th March, 2022: District Election Officer, Khawzawl District leh Electoral Literacy Club, Govt. Khawzawl College-te tangkawpin college zirlaite tana poster design insiamsiak, 'My Vote is My Future: Power of One Vote' tih thupui hmanga an buatsaih result puan leh lawmman semna chu nimin chawhnu dar 1:00 khan Govt. Khawzawl College Principal Office-ah neih a ni.

Voter Awareness Poster Design insiamsiakah hian PC Lalvenpuia, 6th Semester BA chu pakhatna a ni a, B. Lalrinchhana, 4th Semester BA chu pahnihna niin, Annet Lalnunhlimi, 2nd Semester BA chu pathumna a ni. Lawmman pakhatna hian pawisafai Rs. 2000 a kengtel a, lawmman pahnihnain Rs. 1000 leh lawmman pathumnain Rs. 800 a kengtel bawk. 

Heng bakah hian mi sawm (10) hnenah Consolation Prize sem a ni bawk. Consolation Prize dawngtute chu Daniel Lalawmpuia (6th Semester), Nicky Rodingliana (6th Semester), Tlanhlupuii (6th Semester), Zothanmawia (6th Semester), Lalruatsangi (4th Semester), Vanlalchhuanawmi (4th Semester), Grace Malsawmdawngkimi (4th Semester), K. Malsawmtluangi (2nd Semester), Lalnunthari (2nd Semester) leh K. Lalnunpuii (2nd Semester) te an ni.

Govt. Khawzawl College zirlaite tana intihsiakna buatsaiha poster lutte hi Election Commission of India in National Voter Awareness Contest a buatsaih mekah Khawzawl District aiawhin thehluh nghal a ni bawk a ni.

Lawmman semna hunah hian Pu K. Ziona, Principal, Pu K. Lalkulhpuia, Nodal Officer leh Executive Members, Electoral Literacy Club, Govt. Khawzawl College-te an tel a ni. 

Attachment

  • Loading attachment...