2398/2026-2027

Dated Khawzawl, the 28th September, 2026 : Vawiin chawhma khan KVK Khawzawl Office Complex-ah 'Stronger Together' tih thupui hmangin World Rabies Day 2026 hman a ni.

He hunah hian Dr. Malsawmkimi, Senior Scientist & Head, KVK chuan tunlai khawvel thang zelah mimal leh chhungkaw tam takin kan ranvulhte duat leh hmangaih taka kan enkawl a tul zia sawiin, kan ranvulhte leh a enkawltute kan lo him zawk nan Anti-rabies vaccine lak a tul zia thu a sawi bawk.

Dr. Lallianmawii, Subject Matter Specialist (Animal Science) pawhin kalkhawmte hnenah kan ranvulhte an lo hrisel zawk nan leh hri laka an lo him theih nan vaccine lak that a pawimawh thu sawiin, Anti-rabies vaccine pek tan nghal a ni a. He hun hman chhung hian ui 65 lai mai Anti-rabies vaccine pek an ni.