2397/2026-2027

Kolasib, 28th September, 2026: Vawiin chhun  khan DC Conference Hall, Kolasib-ah Kolasib Bawrhsap Pu H. Dolianbuaia kaihhruaiin District Level Implementing Committee on Mission Shakti te an thukhawm.

Thutkhawm kaihruaitu Bawrhsap Pu H. Dolianbuaia chuan thu sawiin, Mission Shakti hi hmeichhiate himna  leh an dinhmun chawikanna  tura sorkar laipui hmalakna pawimawh tak a nih thu a sawi a. Hmeichhe hleilenna tuartute leh harsatna tawkte tanpuia chhanchhuah hi khawtlang leh sorkar mawhphurhna lian tak a ni, a ti. Kolasib District chhungah he hmalakna hi hlawhtling taka kalpui a nih theih nan sorkar department hrang hrang leh tlawmngai pawlten tha thlah lova hma an lak tlan a pawimawh hle a ni, tiin kalkhawmte a chah.

He hunah hian Pi Lalnunpari Hmar, District Programme Officer, Women & Child Development (WCD) leh he committee-a Convener ni bawk chuan report pein, Mission Shakti kalphung a tarlang a. Mission Shakti hnuaia sub-scheme pahnih - hmeichhiate himna lam hawi 'Sambal' (One Stop Centre, Women Helpline leh Beti Bachao Beti Padhao huamtu) leh hmeichhiate dinhmun chawikanna lam hawi 'Samarthya' (PMMVY, Shakti Sadan, Sakhi Niwas leh Palna) chungchangte a hrilhfiah a ni.

Vawiin thutkhawmah hian kumin October leh November thlaa District chhunga hmalak zel dan tur (Proposed Activity / Action Plan) tlangzarh a ni a, committee member-ten an sawiho hnuah a hnuaia mi ang hian lungrual taka pawm a ni:

International Day of Girl Child lawm nan sorkar pisa, school, damdawi in leh mipuite tlawh pawh theih tur hmunah WCD Scheme nen inzawm QR Code tlangzarh. Girl Achiever Award sem leh hmeichhe naupangte puala 'Project Thaichhawninu' hnuaia account hawnsak leh Gift Hamper (Cheng 500 hlutna) sem.

Hmeichhiate dan hnuaia dikna chanvo (Women's Legal Rights) leh Legal Aid Service chungchangah District level stakeholder workshop buatsaih.

Hmeichhiate puala thiamthil pholang tura 'Girls Art & Creative Talent Hunt' (Painting, Photography leh Craft hmangin) buatsaih.

International Day of Violence against Women hman.

Hmeichhe tleirawlte tana hriselna leh ei leh in tha (Health & Nutrition) awareness campaign neih.

Sex Education, naupang leh tleirawl nupui pasal neih hma lutuk (Child Marriage) leh tleirawl rai (Teen Pregnancy) laka fihlim theih nan khaw hrang hranga mipuite leh nu leh pate nena tanghova awareness campaign kalpui.

Information, Education and Communication (IEC) hmanga mipuite hnena zirtirna thehdarh (social media, rally leh poster tar).

He thutkhawmah hian District Level Implementing Committee on Mission Shakti member-te an tel tha hle a; chungte chu— Superintendent of Police, Project Director (DRDO), Chief Medical Officer, District Education Officer, District Information & Public Relations Officer, Secretary (District Legal Services Authority), District Local Administrative Officer, District Commerce & Industries Officer, Branch Manager (Jan Dhan) MRB leh District Programme Officer (Women & Child Development) te an ni.