Vawiin hian Serchhip Bawrhsap Pi Sangchhin Chinzah hovin a pisaah Khelo India- Sport for Peace and Development, Serchhip District chhunga competition kalpui dan tur rel a ni.

Chairman Pi Sangchhin Chinzah chuan he hmalakna in a tum tlangpui sawifiahin Sports chu remna leh hmasawnna thlen theitu, thangtharte nun kawng dik zawh tura kaihhruaina hmanrua a nih avangin sawrkar laipui chuan hman tangkai a duh a. Hetiang hi a ruahman ta a ni, a ti a. Serchhip District ah pawh he Khelo India in a tum te tihlawhtling ngei tura thawhpuiah kalkhawmte a sawm ani.

Mizoram a he Competition atana Discipline rawt awmsa te atangin Football, Volleyball, Badminton, Table Tennis, Boxing leh Hockey ah te bakah he meeting-a thlan belh Basket Ball ah te Under 16 aged group inelna chhawng hnih Block Level leh District Level buatsaih nise tiin vawiina meeting hian ruahmanna a siam a. Block pahnih ten March thla chawhma lamah District Sport Committee nena tangkawpin Village tin tan Block Level inelna (Competition) lo buatsaih phawt se, chuta tanga a thiam thlanchhuah te chuan District Level inelna hmachhawn leh se, tiin rema ruat a ni. Block Level inelna ah hian naupang talent nei tha Discipline tinah pathum zel thlanchhuah an ni ang a, chung mite chu State level ah leh national Level thlengin Talent nei tha bik an nih thu hrilhhriat an ni zui dawn ani.  Block Level-a Competition buatsaih nan hian BDO ah Rs. 2.5 Lakh pek ve ve an ni anga, District level competition buatsaih nan Rs. 5 Lakh ruahman a ni bawk ang. District tana sum ruahman hi Rs. 10 lakh niin heng zinga Rs. 7.5 Lakh hi dawn fel tawh a ni nghe nge a ni.

Vawiina meeting ah hian Addl. DC Pu Chuauhnuna, SDO Sadar Pu R. Vanrengpuia, Sports Nodal Officer Pu. Ngurthansanga te, Serchhip District Sport Committee hruaitute, Sport Discipline hrang hranga District hruaitute an tel ani.

Attachment

  • Loading attachment...