Mizoram Horticulture Department Director Pu R. Zotawna chuan vawiin khan Chawngtlai khua Bualpui rama Khawzawl Horticulture Division in Kiwi chingtute tana Tuikhuah an siamsak chu Kiwi chingtute hnenah a hlan.
Thusawiin Director chuan Tuidah khawlna chu Kiwi chingtuten tangkai takin hmang se a duhsak thu sawiin Kiwi chingtute chu an hmalakna te enin thahnemngai taka hna an thawk tih a hriat theih thu a sawi a. MGNREGS hnuaiah kuthnathawktuten an huana nasa zawk a hna an thawh theihna tura hmalak dan awm thei se a duh thu a sawi bawk.
Khawzawl Horticulture Division hian kum 2015-2016 atang khan Chawngtlai Bualpui ramah hian Kiwi chinna kawngah hma a la tan a. A tirah chhungkaw 25 in bultanin, tunah hian chhungkaw 35 in Kiwi hi an ching chho mek a ni. Kiwi chingtute hnenah hian Horticulture Department hian tanpuina chi hrang hrang - G.I. Wire te, Leitha te, Pipe te, Thingril man te, Kiwi Rooted Cuttings te pe in tuikhuah, Water Reservoir, cheng nuai 12.5 seng a siam, tui Litre 2,05,000 dawng a siamsak a. RD Department hmalakna in Link Road 650 metre-a thui laih a ni tawh bawk a ni.
Horticulture Director ho hian Kiwi chinna hmun te chu a hmunah fang kualin a en nghal a, DHO Pu Lalhmangaiha leh BDO Pu Lalrinzuala te bakah Horticulture Staff ten Director hi an tawiawm a ni.
