473/2026-2027

Aizawl, 11th May, 2026 : Vawiin khan KMMTTP and Railway Impacts Study Committee chu Chairman Pu T. Lalhlimpuia MLA hovin Secretariat Conference Hall, MINECO-ah an thukhawm.

He hunah hian Chairman Pu T. Lalhlimpuia chuan Study Committee in nikum lam atanga nasa taka hma an lak tawh thu te, thil tam tak hmuhchhuah an neih thu te, Sawrkar leh mipui in buatsaih a tul thu te a sawi a. Pu Zomuana Member Study committee in presentation neiin study commiitee hma lak tawhna entirin an  thlir ho a, hma chhawp awm mek te uluk takin an thlir a, activity kalpui zel dan tur ruahmana thar  an siam bawk. Committee member dept hrang hrang aiawh te pawhin, an dept ten he Kaladan Multi Model Transport Transits Project (MKKTTP) leh Railway in Mizo mipui te tana remchang a siam tura mipui te leh thalai te buatsaih dan tura rawtna an neih te an sawi a, mumal zawkin meeting leh huna thlir ho tura ziak a committee a thlen tura tih an ni. Awareness programme a pawimawh rualin, heng project lian tak tak ten remchanna a thlen turah hian, infrastructure pawimawh din ngai leh tul te, en tel nise an ti bawk. Meeting ah  hian Pu Malsawmzual Ralte Mizoram Youth Commission pawh telin, MYC in tih theih tam tak,a bikin thalai te, an neih thu te, a hmun ngeia Youth Commission pawhin programme remchang siam an tum thu a sawi bawk.