Vawiin chawhma dar 11:00 khan Essay, Painting & Quiz Competation on Disaster Management & Felicitation of Outstanding students in HSLC & HSSLC, Examination, 2016 lawmman semna Diakkawn YMA Hall-ah neih ani. Pu R.Lalrensanga Addl. DC Kolasib chuan inkhawm hi a kaihruai a, Pu H.Lalengmawia, IAS Deputy Commissioner, Kolasib District chuan he hun hi a hman pui a ni.
DC chuan thusawiin, ‘Tuipuiral atangin kan Missionary ten Pathian thu an rawn sawiin zirnna bul min rawn tan sak a, Zofate kan vannei hle a, zirna hi a bul ber ani a, a rah chu hlawtlinna a ni’ a ti a, dilchhut theihna min pe a, thil chhut thiamna min pe a chu chuan kan nun min kaih ruai thin a ni ati a. Ziak leh chhiar thiamlohna hi setan’an hmanrua ah a hmang thin a, sakhua na pawh mi tamtak a hruai kawi fo thin ani ati. Ziak leh chhiar thiam lo chuan kawngdikah kal ngaihna a awmlo ani ati a, zirna hi Pathian thu ani a, Pathian thu him tak, ti puitlingtu ani a ti bawk.
‘Zirtirtuten zirna chawtha zirlaite pe rawh u’ ati a, Padma Shree leh National Award hrang hrangah te hian Kolasib District atangin kan la dawng ngai lova, he lawmman dawng turin zirlaite leh kal khawmten tan ila ang u a ti a. Mi taima leh mi tumruh te lawmman chu hlawtlinna a ni a, tlai khat emaw karkhat zir hian lehkha zirna ani lova inthladaha lova marpat a zir tur kan ni a tih bawk.
Kolasib District-a zirtirtute aia tha zirtirtu dang an awm chuang lo’ ati a. Zirtirtute pawn kei aia tha zirtirtu dang an awm chuang lo tih i pawm ngam ang u, ati a, chuchuan inrin ngamna min neih tir ang ati a. Vawiin a kan thu sawi in pawm leh pawm loh chu dawt sawi ngailovin nakum Matric Result in a la hril ang ati a. Kan Nu leh Pate leh zirtirtute thuawih chu an hmuingil thin a, an thuawih na hmun tha ber chu- an hmuh phak loh lai a an thuawih hi ani a ti a. Zirna ti buai thei entertainment chi hrang hrang a awm mek a, hengte hian zirlai tamtak a ti buai mek a, intum ram in thlen theih nan hetiang thil lakah hian in thiarfihlim turin zirlai te a fuih bawk.
He hun ah hian Pu G.S.Zaithantluanga , President Sub Hqrs. MISSTA Kolasib District leh Pu C. Vanlalmawia Principal DIET ten fuihna thu tha tak tak zirlai te hnenah an sawi bawk.
He lawmman semna inkhawmah hian Painting, Essay leh Quiz competition lawmman Pakhatna atang a pathumna thleng Certificate leh pawisa fai hlan niin. HSLC Exam, 2016 a top 3 hnenah Certificate leh pawisa fai hlan ani bawk ani,tin,hei bak ah hian HSSLC Exam, 2016 a ti tha zirlai pahnih hnenah Certificate leh pawisa fai hlan ani a. Kolasib District chhunga School pasarih atangin HSLC Exam, 2016 a Distinction a pass Zirlai te hnenah lawmman sem tel ani bawk a. Heng lawmman te hi DM & R, Kolasib ten an tum a ni.
