DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/kolasib-a-independence-day-trophy-ah-vengthar-gsa-championp

KOLASIB-A INDEPENDENCE DAY TROPHY-AH VENGTHAR GSA CHAMPION

Vawiin chawhnu dar 2.00 khan Independence Day Trophy football final chu Saidan Football Academy Playground, Kolasib-ah khelh a ni a; Vengthar GSA chuan Venglai FC chu 1-0-a hnehin an champion.

He hun hmanpuitu Sports Minister Pu Zodintluanga chuan infiamna tihhmasawn tuma sawrkar thahnemngaihzia hriaa thalaiten infiamna chi hrang hrang an tuipui thar chu lawmawm a tih thu a sawi a. “Kolasib thalaiten khelmual tha in duh ang ngeiin Venglai-ah Stadium ropui tak cheng vaibelchhe 23 chuang sengin kan sak-sak thuai dawn che u a ni” a ti.

Independence Day Trophy inchuhnaah hian team 25 an tel a. Champion hian trophy leh Rs 10000 an dawng a, Runner Up hian trophy leh Rs 5000 an dawng a ni. Best striker atan Hmingsanga, Vengthar GSA, Best Midfielder atan Lalchawisanga, Best Defender atan Siampuia Vengthar leh Best Goalkeeper atan Atan, Vengthar GSA chu thlan an ni.