Vawiin khan Kolasib DC Pu Jitender Yadav hovin a Office Chamber-ah September ni 5 a, Zirtirtute Ni, (Teachers’ Day) hman dan chungchangah meeting neih a ni. Meeting ah hian DEO, Kolasib, DPC(SSA), Zirtirtu pawl- MPTA, MISSTA leh MSTA aiawhte bakah MJA aiawh leh MHIP aiawh te an tel.
Meeting chuan Zirtitute Ni hi sikul tinin anmahni sikul ah theuh, VC te kaihruaina hnuaiah hman nise tih te, Zirtirtute chawimawi leh an hnathawh thuziak lam banner tar nise tih te, hemi ni pual a Chief Minister emaw, Education Minister emaw thuchah, a awm zawk zawk chu hemi ni a function buatsaih ah chhiar chhuah nise tih te, he mi pual a DC thuchah media lama puanzar nise tih te leh Zirtirtute Ni denchhenin MJA, DEO leh MJA tangkawp chuan Talk Show buatsaih nise tih te an rel a ni.
DC chuan Zirtirtu harsa leh chhawmdawl ngaite tana National Teachers’ Welfare Fund (NTWF) a tanpuina sum chhun luh atana pen zawrh chu Department hotute leh mipuiten phal taka leisak turin a ngen a. National Teachers’ Welfare Fund tanpuina hi sawrkar sikul Zirtirtute bakah private sikul Zirtirtute pawhin an dil theih thu DPC(SSA) chuan a sawi bawk.
