Mizoram Civil Engineers’ Association ( MCEA ) te chuan thla thum dana chhuak tur lehkhabu tangkai tak Insak leh Septic Tank siam dan chungchang a hriattur pawimawh huamkim tak tura duan ‘ Engineer Outlook ‘ chu nimin tlai khan Tourist Lodge, Chaltlang-ah UD & PA Minister Pu Zodintluangan Mizo mipui ten an chhiar a,an hman tangkai tur in a tlangzarh.

MCEA ten an mahni puala magazine puah chhuaka an buatsaih thei chu lawmawm a tih thu sawiin khuallian Pu Zodintluanga chuan khawvelah mihringten eng hun lai ah pawh hma kan sawn zelna tur atan Engineer te chu a sulsutu an nih thu leh an pawimawh in nawmsakna leh hausakna kawnga hma hruaitu an nih thu a sawi a. Chutih lain Engineer te chu an design chu bawhzui tlak a ni em tih erawh chu in bih ve thin turin a chah.

Pu Vanneihtluanga, Editor Lengzemin lehkhabu sawihawnna neiin mi ten a chhuah hun an nghahhlelh em em, Mizo mipui leh Mistiri te chhiar phak lehkhabu ni thei se, Editorial Board te chu tangruala phur thut thil tih ni lo se a duh pui thu a sawi.

Er. Lallawmzuala Pautu, President, MCEA kaihhruai Engineer Outlook lehkhabu tlangzarhna ah hian Technical Awareness sawitu Er. Dunglena, Adviser, MCEA chuan tunlai hmanraw changkang tak tak te hi hmang tangkaiin Engineer te hian an hna chu vil peih a endik reng a tul thu a sawi. Er.P.C. Ramdinthara, Secretary, MCEA leh Er. H. Laldintluanga, Editor, Engineer Outlook (Quarterly Magazine) te pawhin report pe in thu an sawi.