Nimin chawhnu khan Bairabi PWD IB ah Kolasib Additional DC Pu Liansangzuala Chhakchhuak kaihhruaiin Bairabi khawtlang pawl hrang hrang hruaitute nen COVID-19 chungchanga Kolasib district ramri a invenna kalpui mek sawi hona hun neih a ni a, Pu Timothy R Lalhmangaiha, SDC leh Pu Hmingthanzuala, DIPRO Kolasib te an tel bawk a ni.

Pu Liansangzuala, Addl DC Kolasib chuan Kolasib District Level Task Force on Covid-19 te hmalak dan tlangpui te tarlangin Bairabi leh Vairengteah te Screening Point siam niin ramri kan a lirthei leh zinmite che vel te chu uluk tak a chhinchhiah leh endikna kalpui a nih thu a sawi a, Screening point te hi a tul dan a zir a thawmthat zel a nih tur thu a sawi bawk a ni. Khawtlang hruaitute chuan Bairabi Zophai ramri chungchang a sawrkar thu dinglai chu tute pawhin zah a, khauh tak a zawm nise an duh thu sawiin heti lai ramri buaina avang a Bairabi khawtlang a harsatna leh buaina thleng thin chu pawi an tih thu leh thleng nawn tawh lo se an duh thu Additional DC hnen ah hian an lo thlen bawk a ni.

Additional DC hian Covid-19 Screening Point Bairabi te tlawhin Screening an kalpui dan te a endik a, ramri kan a motor lut te chu uluk tak a endik a pawimawh thu leh harsatna a awm a nih chuan chiai lova thu neitute hrilhhre vat tur in duty te chu a chah bawk a ni.