Vawiin khan Food, Civil Supplies & Consumer Affairs Department Minister Pu K Lalrinliana chuan Bairabi a COVID-19 Screening point a tlawh a, tunlai hri leng mek COVID-19 lak a mipuite an him theih nan Sawrkarin theihtawp a chhuah a ni tih minister chuan a sawi.

He hun ah hian Bairabi rail station - a khual zin te endikna hmun tur pawh tlawhin thawktute hian an harsatna tawh te an lo thlen a, Minister chuan Sawrkarin mipuite hriselna a ngaih pawimawh thu sawiin, COVID-19 hri leng mek lak ah pawh chiai mai lo in mipuite kan fimkhurna turin inralrinna dar kan vaw mai chauh zawk a ni, a ti.

Minister hian Bairabi Zophai tlawh bawkin he mi hmun a mosque satu hnam dang te pawh hmu in an mosque sakna hmun chu Mizoram chhung a nih avangin Mizoram sawrkar thu ngai chang tur leh Mizote tana harsatna siam lo turin a hrilh nghal bawk a ni. Minister hi Pu Timothy R Lalhmangaiha, Bairabi SDC in a tawiawm a ni.