Vawiin khan Kolasib District Research Office Training hall ah kum tina an neih thin Annual Training on Civil Registration System of Births & Deaths neih a ni.

He huna khuallian Pu Lalbiaksanga, Jt. Director Economics & Statistics Department chuan Registrar te pawimawhna sawiin Registration an tih reng rengin fumkhur tak leh uluk taka ziahluh a ngaih bakah record felfai taka vawn that a ngai ani tiin phhuachawp a thiang ve lova, belhchian tlak ani ngei tur ani a ti. Tunlai khawvelah mi changkang apiangin Data dik leh felfai bakah Register of Birth & Death te an ngai pawimawh ani tiin Registrar te hna chu hna pawimawh tak anih avangin theihtawp chhuah chhunzawm zel turin kalkhawm Registrar te chu a chah a ni. Khuallian chuan he hunah hian Kolasib District a Registrar  hna Kum 15 thawk tling tawh mi 8 hnenah chawimawina thuziak a hlan bawk a ni.

He hun kaihruaitu Pi H.Lalremmawii, District Research Officer ina a tarlan danin Kum 2018 October thla thleng khan Nau piang 1183 awm in mipa 606 leh hmeichhia 577 an awm a, mithi hi 388 awm in mipa 252 leh hmeichhia 136 an awm a ni. Tun dinhmunah Kolasib District ah hian Registrar 43 awm mek in Mizoramah 847 an awm a ni.

Chawhnu lamah Technical session hman niin Pu TC Jonunsanga, research Officer hoin kalkhawm te chuan kalphung te zirna hun an hman bakah zawhna leh chhanna hun hman bawk a ni.