1854/2023-2024

2023 Mimkut thla ni 12: Kolasib District Bawrhsap (Deputy Commissioner) Pu John LT Sanga chuan vawiin khan a hnuai mi ang hian ui sa ei khap chungchangah Kolasib District chhunga mipuite zawm tur hriattirna a chhuah.

"Director, AH & Vety Department, Aizawl aṭanga lehkha kan dawn angin, The Mizoram Slaughter (Amendment) Act 2020 Section 2(a) chuan mihring ei atana ran talh phal zingah ui a chhiar tel loh avangin ui talh chu dan loa ngaih a lo ni ta a. Food Safety and Standards (Food Products Standards and Food Additives) Regulation 2011 (2.5.1) chuan mihring ei atana ran talh theihte zingah ui a telh lo bawk a.

"Chu vangin, chaw ei khawmna leh thil tih khawmna reng rengah ei leh in atan tu ma'n ui sa an telh tur a ni lo.

"He sawrkar hriattirna hi Kolasib District huam chhungah zawm ṭheuh tur a ni."