901/2026-2027 

Kolasib, 9th June, 2026: Vawiin khan DC Conference Hall, Kolasib-ah Kolasib District Bharat Scouts & Guides (BS&G) District President thar atan Kolasib Bawrhsap Pu H. Dolianbuaia leh District Secretary atan Pu Lalthawmmawia, District Sports & Youth Officer (DSYO) te chu lawmluh an ni. He lawmluhna hun hi Mizoram BS&G State Secretary Pu Lalngilneia Colney chuan  hmanpuiin, thutiam a lak tir a, BS&G Kolasib District Chief Commissioner leh District Education Officer (DEO) ni bawk, Pu Vanlalchhana chuan a kaihruai a ni.

Bharat Scouts & Guides Kolasib District President thar, Bawrhsap Pu H. Dolianbuaia chuan thu sawiin, Sports Department a alo awm tawhna atanga a tawn hriatte tarlangin, Youth Affairs lamah hian thil phurawm tak tak tih tur a tam thu a sawi a. Lengpuia Scouts & Guides hmunhma tur ruahmanna siamtu pawlah pawh a lo tel ve tawh thu a sawi bawk.

Tun hma chuan Kolasib District hi Scouts & Guides lamah a hmingtha in an lo langsar thin hle tih a sawi a, tun dinhmunah erawh hmanlai a phak ta lo deuh nia a lan thu sawiin, nasa lehzuala intuaithar kan mamawh hle a ni, a ti.

He hunah hian Kolasib District huam chhunga BS&G Commissioner hrang hrangte leh Guide Master te an tel a ni.