Special Summary Revision of Electoral Roll nei tura inpuahchahna kal mek ah vawiin kha Kolasib I&PR Conference hall ah District a BLO te tan training buatsaih a ni.

DEO Pu Zoengsanga chuan Roll felfai leh rintlak nei thei tur chuan BLO te’n mawhphurna sang tak an nei ani tiin BLO report chu belhchian a dawl tur ani a, rinawm takin report ziak thin turin a chah a ni. Election hna thawh kalphunga mi pawimawh tak an ni tiin mahni bial chhunga Voter te hriatchian theihna tur kawngah khawtlang hruaitu te thawhpui thiam a pawimawh thu a sawi a, mahni hmazawna hna awm te rinawm taka hlenchhuak turin kalkhawm BLO te chu a chah a ni.

Election Officer Pu Vanlalchhuanawma Chawngthu chuan Form 6,7,8,8A chungchangah training a pe a hemi bakah hian ECI ina Pre-Revision activity a tana tihtur a bituk Electoral Verification Programme (EVP) a BLO te hnathawh tur chungchangah zirtirna pe bawkin  SVEEP kaltlanga hmalak dan tur te pawh sawi zauna hun a hmang a, kalkhawm BLO te atanga hriatthiam loh awm thil ah zawhna leh chhanna hun te hman bawk a ni.

Attachment

  • Loading attachment...