2688/2026-2027
Kolasib, 15th October, 2026: Vawiin khan Kolasib District-a District leh Charge Level Census Official-te tan 'Census 2027 Phase II (Population Enumeration) Training' buatsaih a ni. He ni hnih awh tur training hi Kolasib Addl. DC leh District Census Officer ni bawk, Pi B. Malsawmtluangi chuan a hawng.
Training ni hmasa berah hian Directorate of Census Operations (DCO) atanga lo kal, Resource Person—Shri Jamil R. Swer, Deputy Director leh Ms. Siamthianmuang Guite, Statistical Investigator ten zirtirna an pe a. Resource person-te hian mipui chhiarna kalpui dan tur ruahmanna hrang hrangte, administrative officer leh clerk-te mawhphurhna leh an tihtur te, CMMS PE module hmanga Enumeration Block siam dan te, logistics leh dashboard enkawl dante an zirtir a ni.
Hemi bakah hian Enumeration Block ramri kham (boundary) dan te, layout map siam dan te, abridged houselist leh charge register buatsaih dan te chu a taka entirin (practical) zirtirna pek nghal an ni bawk.
He training buatsaih a nih chhan ber chu, lo awm tur Mipui Chhiarna (Census 2027) chu felfai, rintlak leh dik taka kalpui a nih theih nan a tula hmanrua leh digital hmanraw hman dante official-te hnena thiamna pek a, lo inpuahchah lawk nan a ni.
