District Child Protection Unit Kolasib District buatsaih in vawiin khan Kolasib Parish hall-ah Childrens Day hman a ni.

Vawiin a childrens day hmanna hi District Child Protection Officer Lallaisangan a kaihruai a, Kolasib DC H.Lalengmawia chu khuallian niin D.C chuan Naupangte ni ah hian Naupang te enkawlna kawngah Nu leh Pa te leh Zirtirtu ten mawh thui tak kan nei anih hre thar lehin, an chunga harsatna thleng tam tak te chu Puitling zawk ten nawmsak kan duh vang a nih thu a sawi a. Naupang te humhalhna dan thui tak a awm. Chuvangin, Nu leh Pa te dan hnuaiah kan him lo thei a, kan Fa te enkawlna kawngah kan fimkhur a ngai hle ani tiin, Sorkar atanga beiseina nei te Home din a awm thin a, heng mi te hi reilo te ah an mualpho thin a, rawngbawlna ah ngai tan lo chuan Home din ve ngawt chi ani lo ati bawk.

Juvinile Justice Board member ten he hun ah hian thusawina neiin, Kolasib District chhunga naupang chunga hlei lenna thleng thin te chu Film tha lo en tam vang te, Nu leh Pa ten Nupa nun hman fimkhur loh vang te a thleng anih thin thu an sawi bawk ani.

Kolasib a Childrens day lawmna ah hian Nursery atanga Class IV te tan Drawing Competition Open a neih leh, Middle School tan Drawing Competition Thupui Naupang dikna chanvo leh an Mawhphurhna hmanga inziahsial leh High School leh Higher Secondary School te puala Slogan thupui Naupang dikna chanvo leh an Mawhphurhna inziahsiak lawmman semna neih ani bawk ani.

Kolasib District chhungah hian Disrict Child Protection Unit hnuaiah Home 3 awmin heng home hrang hrang te atang hian item hrang hrang entir niin School thenkhat te pawh he hun ah hian item an entir bawk ani.