Kolasib District Level Standing Committee on Election chu D.C. Pu Dawngliana, District Election Officer hovin nimin khan D.C. Conference Hall Kolasib-ah an thu khawm.
He hunah hian D.C. Pu Dawngliana chuan kan hma April 16 a M.P. inthlan lo awm tura boruak tha leh thianghlim a awm theih nan member-te chu tang tlang vek turin a sawm a. Kolasib District chhunga Political Party hrang hrang aiawhte chu a bik taka Election Model Code of Conduct zah tur leh dan leh thupek kenkawhna kawngah te sorkar tawiawm turin a sawm a. Kolasib District chu sensitive area tamna ni mahse boruak tha tak kara inthlanna neih a, District dang tan pawha entawn tlak hial tura tan lak a duh thu pawh a sawi a ni.
M.P. inthlan lo awm tur thlirlawkna hunah hian inpuahchah dan tur kawng hrang hrangte sawiho a ni a. Venhimna lam, Electric, inkalpawhna kawng leh Tui in tur pek chungchangte uluk taka tih nise tiin rel a ni a. Thingtlang khaw panna kawng tha lo zualte chu a rang lamin siam nise, polling station tinte chu eng pek vek nise, khaw tina polling party kalte a tul anga lo buaipui turin YMA te hrilh nise tiin Committee chuan an rel a ni.
Constitutency theuha SDO te chu Nodal Officer an ni ang a, a tul angin party tin ten hengah hian thu an thlen ang. Vote te hi EVM hmanga thlak a ni ang a, vote thlak atanga thla khatna 16.5.2009 ah vote tla te hi Revenue Office chhungah chhiar a ni ang. Kolasib District chhungah hian voter 47,173 an awm a. Tuirial A/C ah 15,047, Kolasib A/C ah 16,809 leh Serlui A/C ah 15,317 an awm a ni. Vote thlak tura roll siam that hna chu telh awm ngei ngei (genuine case) ah chuan 30.3.2009 thleng tih theih reng a ni. Kolasib District chhungah hian khaw pahnih Rasdali leh Thinglian te chu motor tlawh pawh loh khaw awmchhun a ni.
M.P. inthlan lo awm tur thlirlawkna hunah hian inpuahchah dan tur kawng hrang hrangte sawiho a ni a. Venhimna lam, Electric, inkalpawhna kawng leh Tui in tur pek chungchangte uluk taka tih nise tiin rel a ni a. Thingtlang khaw panna kawng tha lo zualte chu a rang lamin siam nise, polling station tinte chu eng pek vek nise, khaw tina polling party kalte a tul anga lo buaipui turin YMA te hrilh nise tiin Committee chuan an rel a ni.
Constitutency theuha SDO te chu Nodal Officer an ni ang a, a tul angin party tin ten hengah hian thu an thlen ang. Vote te hi EVM hmanga thlak a ni ang a, vote thlak atanga thla khatna 16.5.2009 ah vote tla te hi Revenue Office chhungah chhiar a ni ang. Kolasib District chhungah hian voter 47,173 an awm a. Tuirial A/C ah 15,047, Kolasib A/C ah 16,809 leh Serlui A/C ah 15,317 an awm a ni. Vote thlak tura roll siam that hna chu telh awm ngei ngei (genuine case) ah chuan 30.3.2009 thleng tih theih reng a ni. Kolasib District chhungah hian khaw pahnih Rasdali leh Thinglian te chu motor tlawh pawh loh khaw awmchhun a ni.
