Vawiin khan Kolasib-a  sawrkar department hrang hrang hotute DC Conference Hall-ah  an thukhawm a, District chhunga hmasawnna hna kal mek chungchang leh mipui vantlang  tana hna kal zel turte an thlir ho.

Meeting hi Pu Zairemmawia, Addl. DC chuan a kaihruai a. Thuhma sawiin Kolasib district chhunga Department  head kalkhawm te chu  theihtawpa mahni hna theuh an thawhna chungchah lawmthu a hrilh a. An hmalakna zelna  turah Department  dangte nena inpawh tawn taka thawktlang tura a duh thu a sawi a ni. He hunah hian 11th Five Year chhunga Department tinte hnathawh a bik takin kum hnih kalta chhunga mite thlir ho a ni .
 
Pu R. Lalramnghaka, Director, SIRD chuan Plan chhunga Department te hna kalphung leh hemi hnuaia thawh dan phungte sawilangin Department head theuhte chu  an hnathawh dan, hmachhawp leh harsatnate ziaka siam a, thlalak Soft Copy nena DC a thehlut turin a sawm a ni.
 
Meeting ah hian Department head theuhte chu an Department chungchang  leh NLUP an kalpui dan te DC ah 26th Aug aia tlai lova thehlut tura hriattir an ni a. Hei hi tun thla tawpa  Chief Minister hova District hrang hrang hmalakna thlir ho hun atana inbuatsaihna tur a ni.