1823/2024-2025

Kolasib Dated the 29th August, 2024: Vawiin khan Kolasib District Cooperative Development Committee (DCDC) chu Addl. Deputy Commissioner Pi B. Malsawmtluangi hovin Kolasib DC Conference Hall-ah an ṭhukhawm a. Kolasib District chhunga cooperative society te hmasawnna tur kawng hrang hrang an sawiho a ni. 

Kolasib DCDC Convener, District Cooperative Officer Pu Lalthlamuana chuan report pein, ṭhutkhawm buatsaih chhan a sawifiah a. Kolasib District chhungah sector hrang hrang 15-ah cooperative society din leh inziak lut 87 an awm mek thu a tarlang.

DCDC meeting hmasa a lo rel tawh angin Kolasib District atangin Computerization of Primary  Agriculture Credit Societies (PACS) turin Kolasib Multipurpose Cooperative Society leh Kolasib Village Farming Cooperative Society te chu thlan an nih thu ngaihtlak a ni a. Heng thlan chhuahte tan hian computer operator training pawh pek annih tawh thu leh Internet connection pawh tih nghal anih thu te; tha taka an function theih nana enkawl zui nise an ti . Sawrkar laipui Ministry of Cooperation in PACS society zawng zawng te tan Common Bye-Law nei tura tih vek annih angin heng PACS Society 2 te hi Mizo tawng lehlin Resistrar of Cooperative Society (RSC) atanga dawn Bye-Law copy pawh pek an nih tawh thu leh Kolasib district huamchhunga Multi-Primary  Agriculture Credit Societies (M-PACS) register thar awm reng reng chu Common Bye-Law hi register an tih ve leh an hman turin pek zel nise tih a ni. Ministry of Cooperation-in M-PACS dairy leh fishery society te chu thla tina panga tal din tur a tih chu sawiho a ni a, Mizoramah chuan a harsat thu leh a theih chin chin ah din zel a nih thu sawiho a ni.

National Cooperative Data Base (NCD) portal siam vek tur leh registered Cooperative Society te chu an data te upload zel tura beisei annih angin upload zel a ni a, Society registered thar te pawh upload zel an nih thu ngaihthlak a ni. Buh leh thlai dahkhawlna (storage) din tura Ministry of Cooperation Gol in RCS-in Mizoram district hrang hrangte anmahni district huamchhunga PACS Society 3 thlang chhuak tura a tih chu Kolsib Village Farming, Kolasib Multipurpose leh Kawnpui LAMPS te chu thlan an nih thu ngaihthlak a ni a. Prime Minister Bharatya Jan Aushadi Kendra (PMBJK) society kaltlanga generic medicine zuar tura district tina panga thlang tura tih chu thlanfel an nih tawh thu pawh ngaihthlak niin Pradhan Mantri Kisan Samridhi Kendra (PMKSK) hnuai a Model Fertilizer zuar thei tur society thlanchhuah chungchang pawh sawiho in Kolasib district chhungah society pariat thlan an nih thu ngaithlak a ni bawk.