2009/2024-2025

Dated Kolasib the 11th September, 2024: Vawiin Khan Kolasib District Planning Committee members te chu an Chairman Pu Robert C Lalhmangaiha, Kolasib DC hovin Kolasib DC Conference Hall-ah an thukhawm a. He hun hi Pu Lalfamkima, Deputy Speaker leh Lalrinsanga Ralte, Serlui Bialtu MLA in an telpui bawk a ni.

Thutkhawmnaah hian Pu Lalfamkima, Deputy Speaker chuan vawiina project pawimawh tak tak chhawpchhuah a ni chu a lawmawm a tih thu sawiin Kolasib District hmel timawitu pawimawh tak tak an ni hlawm a ni, a ti a. Chutih rualin an Project siam te chuan kuthnathawktute hmakhua ngai rana intodelhna leh hmasawnna lam huam thei se economic lamah pawh hma kan sawn phah dawn hle a ni, a ti. 

Deputy Speaker chuan vawiina Project thenkhat pawh pawm niin hmalakna kalpui theih a lo awm a nih pawhin tunlai a Mizoram hmun hrang hrang a kan tawn zeuh thin, a veng neitute ta bik emaw ti a ngaih thinna chu awm tawh lovin, Kolasib District chhung awh, mipuite intawm a ni tih thinlung kan put a pawimawh takzet a ni, a ti. Tun tuma Project lo lut ho ah Department tam zawk in Project an nei lo chu pawi a tih thu sawiin, hun lo la awm tur ah chuan Department tam zawk ten Project tha tak tak lo ngaihtuah chhuak se a tih thu a sawi bawk.

Serlui Bialtu MLA Pu lalrinsanga Ralte pawh in thu sawiin, District Development Project anih ang taka Kolasib khaw chhung mai ni lo, District huap zo Project siam a pawimawh hle a ni, a ti a. Kolasib chu District dang anglo taka ramri dep a awm kannih avangin, Project siamtute pawh in uluk taka an ngaihtuahna te senga ramri depa awm te hmasawnna siam thei tur project te chhawpchhuah a tul takzet a ni, a ti. Hemi rual hian North Hlimen leh Builung inkar sawrkar hmasa in kawng tum a laih tawh chu chei that a a awm thei a nih chuan a chhehvel mai bakah a district chhung tan inkalpawhna tha tak a ni thei dawn a ni, a ti a, chumi lam hawi a an ngaihtuahna te sen sak turin a ngen bawk. MLA chuan Department hotu kalkhawmte chu fuihin an hna chu ram rawngbawlna ah ngai a tihtakzet a thawk turin a chah bawk a ni.

District Planning Committee Chairman Pu Robert C Lalhmangaiha chuan District Planning committee chungchang sawifiahna neiin, Kolasib District a Bialtu MLA pahnih ten an thutkhawmna a an tel pui thei chu a thlamuanthlak hle a ni, a ti a. An thurel turte pawh uluk taka ngaihtuah ho turin a chah a, Project lo lut te chu khawtlang tana tangkai a ni em tihte leh mipuite hmasawnna thlentu a ni em tihte ngaihtuah chunga an ngaihdan te thawh ho turin kalkhawmte chu a sawm a ni.

Chairman in a sawm angin Member Secretary, Pu Zoremmuana Ralte, DRO Kolasib chuan District Planning committee chungchang leh a thiltum te tarlangin an thurel tur te a chhawp chhuak bawk a. Vawiina Kolasib DPC thutkhawmnaah hian Thurel, Agenda 3 lut in chung te chu:

1. Construction of multipurpose centre @ Project Veng Kolasib

- Estimated Cost : Rs 24.15 Cr

- Implementing Agency: VC/DPC/ UD&PA

-Source of Funding : NESIDS (Min of DoNER)

2. Renovation of Taitesena Hall, Venglai Kolasib

- Estimated Cost : Rs 55 Lakh

- Implementing Agency: Concern Department whichever is applicable

-Source of Funding : whichever is applicable under 100% central Funding

3. Construction of Recreational Centre @ Khuangpuilam

- Estimated Cost : Rs 21.15 Cr

- Implementing Agency: VC/DPC/ UD&PA

-Source of Funding : NESIDS (Min of DoNER) te an ni.

Heng Project pathum te hi member ten uluk taka an ngaihtuah hnu in State level atan District Planning Committee in a chhawpchhuah  sak tura pawm tlan a ni a. Hemi bakah hian Thurel dangte (AOB) panga  lutin pawm tlan nghal a ni a. Chungte chu: 

1 . Combined Kolasib & Bairabi Water Supply Scheme . Estimated Cost: ₹ 175 Cr.

2.  North Chaltlang Solar Pumping Water Supply Scheme (Source Augmentation) . Estimated Cost: ₹ 5.6204 Cr.

3. Lungmuat Solar Pumping Water Supply Scheme (Source Augmentation). Estimated Cost:  ₹ 4.541 Cr.

4. Saiphai Water Supply Scheme (Source Augmentation) ₹ 5 Cr man te an ni. Heng pali te hi PHE Department atanga proposal lo lut te an ni .

5. Upgradation of Mizoram State Transport Centre @ Silchar - Estimated Cost: Rs 2 Cr . He Project hi District Transport Department atanga  lut a ni.

Thurel te pawm tlan a nih hnu hian Vawiin a District Planning Committee thutkhawmna chu Chairman in khaikhawmna leh lawmthu sawina a neih zawh in tihtawp a ni.