2009/2024-2025

Dated Kolasib the 11th September, 2024 : Nimin chawhnu khan Implementation of Intensive IEC Campaing’India Fight Against HIV/AIDS and STI’ Debate & Dance Competition Govt. Kolasib College Main Hall-ah College naupangte nen hun hman a ni a. Pu Laltanpuia Rengsi, Principal Govt. Kolasib College, Kolasib chuan he hun hi a hmanpui.

He hunah hian Miss Helen Lalnunmawii, Clinical Phychologist, DMHP chuan zirtirna pe a. An hun hman chhan sawifiah in, ‘World Suicide Prevention Day’ a nih ang takin harsatna chi hrang hrang avanga a ruka rilru lam natna leh depression nei  te tanpui dan tur zir ho tur an nih thu a sawi a. Central lam atang College leh School naupangte zingah he hun hmang tura beisei an nih ang a he hun hi buatsaih an nih thu a sawi bawk.

Miss Helen Lalnunmawii chuan Mizoram leh India ramchhung ah mahni nunna lak a hluar hle a ni, a ti a. Suicide a thlen theih dang hrang hrang sawifiah in, tanpui theih anih dan leh a inven dan hrang hrang a awm theih thu a sawifiah a. Rilru hah na hrang hrang mihring in kan tawh chang a awm thin a, chutiang huna enkawlthat a ngaih thu leh enkawl lova tanpui an nih lo chuan mahni intihhlumna hi a lo thleng thina ni, a ti.  Rilru hah lutuk nei te chuan Hospital pan vat a that thu leh biak pawh theih an nih reng thu a sawi bawk. 

He hun hi Miss Janet Laltlansangi, Assistant Professor, Govt. Kolasib College chuan a kaihhruai a, Pu RD Lalnunsanga Asstt. Professor Economic deptt. khaihruaina in Debate, ‘Gate way drug (vaihlo kaihhnawih leh zu) hi drug addiction thlentu an ni’ tih thupui hmanga inelna neih a ni a. Debate neih zawh hian Pu Lalhmangaiha, Asstt. Professor kaihhruaina hnuaiah Flash Mob Dance inelna hun neih a ni bawk.

Pu Lalbiakzuala Khiangte, District Programme Manager, DAPCUin lawmthu sawina a neih hnuin he hun hi a khar a ni.