“Thing kan phun tawh sa enkawl that a pawimawh hle a, thing kan la phun bel zel dawn’ Pu Lalfela Sailo, Addl. D.C. khuallian chuan a ti. He thu hi Diakkawn YMA Hall-a Green Mizoram Day, 2013 hmanna ah a sawi a. Kolasib khawchhung leh a chhevel a thing leh mau lo phun tawh tu te zawng zawng chungah lawmthu a sawi bawk a. Thing kan phun chuan phun nung law law a tha a ti bawk a. Kan thing phun te a nun ngei thei nan kan enkawl zui a pawimawh hle a ti bawk. Mahni in leh a vel a insakna bungraw dah hnawk leh hnim te he ni pual hian mitin in lo tihfai turin kal khawm te a chah bawk.

Green Mizoram Day inkhawm hi Pu H.T.Rila, President Sub-Hqrs. YMA Kolasib in a kaihhruai a, Pu Lalthlamuana, DFO, Secretary Disrtict Level Committee, Green Mizoram Kolasib-in report a pe a. Thing leh mau phun a pawimawh dan kawng hrang hrangin a sawi a. Thing tiak, kung 20740 Forest Department chuan phun turin a sem chhuak tawh, a ti bawk. He programme ah hian Sub-Hqrs YMA Zaipawl te an zai bawk.

He inkhawm zawhah hian DIakkawn YMA Hall kawt ah thing tiak pakhat theuh (Official Planting) Pu Lalfela Sailo, Pu Lalthlamuana Pachuau IFS leh Pu H.T.Rila ten an phun bawk a. He mi zawh ah hian Nikum lama Thing phun tawh na hmun Bairabi kawngah Department hrang hrang ten thing an phun belh leh nghal a ni.