Vawiin khan Thingdawl Nuirsing School ah Tuirial A/C Bialtu MLA Pu Hmingdailova Khiangte hoin Green Mizoram Day hman  ani.

Khuallian chuan Ramngaw tih chereu in nasa takin mihring, ramsa leh khawvel a nghawng a ni tiin khawvel a lum telh telh a, tui hna a tlem telh telh a hei hian tuna khawvela cheng mekte bakah nakin huna kan tu leh fate he khawvel lo la luahtu tur te tan khawvel hi chen lohna tlakah kan chhuah tak ngial dawn a ni tiin ramngaw humhalh kawngah nasa taka tan kan lak  angai a ni a ti. Green Mizoram Day kan hmang thei chu lawmawm a tih thu sawiin thingkung pakhat hian mihring pakhat tan kum 10 daih boruak thianghlim a pek chhuah thu tarlangin thing chu a phun ringawt ah duhtawk mai loin a enkawl puitlin chu tuna khawvela cheng mek te mawhphurna ani a ti. India rama State tamtak neih ve loh boruak thianghlim tak chu Mizoram in kan neih chhunzawm zel theihnan ramngaw kan humhalh a, thingphun kan uar telh telh a ngai a ni a ti.

He huanh hian Kolasib District a Ramngaw humhalh leh kangmei venna kawnga hma la tha khaw 3 te hnenah lawmman sem nghal a ni a, a titha ber chu North Hlimen khua niin chawimawina thuziak leh sumfai cheng 50,000 pek an ni a, pahnihna ah Serkhan niin  chawimawina thuziak leh sumfai cheng 30,000 bakah Pathumna chu Bukvannei niin chawimawina thuziak leh sumfai cheng 20,000 hlan an ni. Kumin Green Mizoram Day thupui chu ‘Thingphun Belh la, A awmsa humhalh rawh, tih a ni a, programme hman zawh hian Khuallian leh Department hrang hrang bakah NGO hrang hrang ten Thingdawl Nursing School Compound ah thingtiak 200 an phun a ni.