Vawiin khan Kolasib DC Dr. Arun.T., IAS hovin DC Conference Hall-ah kumin Independence Day lo awm tur hmandan chungchangah meeting neih a ni a, Kolasib District chhunga Sawrkar Officer leh an aiawhte bakah NGO aiawhte an tel kim hle. 

Kumin Independence Day hi Tumpui khelmual Kolasib-ah hman tum a ni a, Independence Day 2017 pual hian Kolasib District Sports & Youth Services huaithawtin Football Tournament neih rel a ni a. Meeting-ah hian Department hrang hrangte mawhphurhna siamsak a nih bakah I-Day 2017 Ceremonial Parade-ah tel tur Armed Contingent,1 Unarmed Contingent 7 leh School Contingent 11 te thlanfel nghal a ni.

Kolasib DC Dr. Arun T. chuan sorkar office-a thawk officer leh staff-te chu Independence Day lawmna ngai pawimawh a tel ngei turin a chah a, mipui pawh a tam thei ang ber tel tura sawm nise a ti bawk.