North Eastern Council, Ministry of Development of North Eastern Region, GoI chuan hmarchhak state 8-a Animal Husbandry & Veterinary Department Secretary leh Director zawng zawngte chu kokhawmin ‘Consultation Meeting on Milk Production in North Eastern Region’ neih a ni dawn a. He meeting hi NEDFi Conference Hall, Guwahati-ah NEC Member Pu C.K.Das chairman-na hnuaiah July ni 19, 2017 khian neih tur a ni.

Meeting Coordinator 2 - NEC Adviser (Agriculture & Horticulture) Pu M.Iboyima Meitei leh NEDFi CMD Pu B.Paul Muktih - kaihhruaina hnuaiah hmarchhak biala dairy farmer-te harsatna tawh te, milk production, dairy technology, milk processing & distribution chak zawka kalpui dan tur leh Milk Producers Federation chungchang sawiho a ni ang.