1603/2024-2025

Dated the 15th August 2024: Vawiin khan India Independence Day vawi 78-na chu Kolasib Sports Stadium ah ropui taka lawm a ni.

He Independence Day lawmna ah hian Pu B Lalchhanzova FCS&CA Minister chuan zing dar 9:00 ah India Hnam Puanzar pawt pharhin Parade Contingent te chibai a chhang let.

Kuallian chuan Independence Day Vawi 78 na hmang tura Kolasib mipui kalkhawmte chu chibai a buk a. "India Independence vawi 78-na kan lawm hian, he zalenna kan neih theih nana mi huaisen, kan ram pasaltha ten Kumpinu phuarna ata min chhuah zalen tura an inhlanna te kha kan hre reng a. An huaisenna leh an tawrhna te hi kan zah em em a, vawiin hian kan chhuan zia lantir turin kan tih theih chhun kan ti ve a ni," a ti a. Zalenna sual chhuahna kawnga a lang lo lama theihtawpa bei tu mi huaisen tamtakte kan thinlungah an awm reng a ni, a ti bawk.

India chuan zalenna sual tu te chu a hre reng a ni tih sawiin mipui te pawh in zalenna hlut zia hria a India ram mipui sawrkarna Democracy vawng him zel tur a khua leh tui tha tak kan nih a ngai a ni, a ti. Minister chuan remna leh muanna chu a thlawn a neih ngawt theih a ni lova, ram mipuite in lungrual taka thawhho a ngai a ni, a ti.

Minister Pu B Lalchhanzova chuan Vawiin a Independence Day kan lawm hian keini pawh hian engnge he ram tan hian kan tih ve theih tih hi uluk takin ngaihtuah theuh turin mipuite chu a chah a, kan ram leh kan hnam tan hian engnge ka tih ve theihtih te, kan economy atan hian engtin nge hlawk zawka ka thawh ve ang tih te, kan khawtlang tan leh chhuan leh zel tana chenfakawm zawk hmasawnna engtin nge ka thlen ve ang tih te hi ngaihtuah a, mi rethei zawk te tana kan tih ve theih te, kan leilung humhalh kawngah te theihtawp chhuah turin a sawm a ni.

Khuallian chuan hmasawnna atana sawrkar hmalakna hrang hrangte tarlangin, Kolasib District office grang hrang ten kum kalta chhunga hmasawnna an hmuh lian tham tak tak te a tarlang bawk a ni.

(Khuallian thusawi kimchang hi a hnuaia linkah hian chhiar theihin a awm)

https://dipr.mizoram.gov.in/post/kolasib-a-independence-day-2024-lawmna-a-khuallian-fcs-ca-minister-b-lalchhanzova-thusawi
Vawiin Independence Day pual hian parade neih a ni a, lawmman lak dan te chu hetiang hi a ni:

UNARMED CONTINGENT
1st : NCC Air Wing, Govt Diakkawn HS
2nd: NCC Govt Kolasib College
3rd : NCC Girls St John Hr Sec School

SCHOOL CONTINGENT
1st: JNV Thingdawl
2nd: Hmar Veng HS
3rd: St John HSS

Independence day pual hian Article inziahsiakna neih a ni bawk a, lawmman an dawn dan chu hetiang hi a ni:
1. R. Lallawmsanga, College Veng
2. Ramthlengkima, New Diakkawn
3. John Lalthlamuana Pautu, Tumpui

Consolation Prize dawngtute -
1. Rev Dr. Zaichhawna
2. Lalnunrila Fanai
3. R. Lalfakawmi
4. Thanpuii Pa
5. Muanpuii Pa
6. R. Vanlalzawmi
7. Ruata Pa
8. Jerry Lalhlimzuala
9. Vanthawmliana
10. Zoremmawia Hlondo
11. G. Lalnuntluanga

Lawmman pakhatna hian Rs 7000 + Certificate, pahnihna *Rs 5000 + certificate, pathumna 3000 + certificate bakah consolation prize Rs 500 a ni. (Judge te point pekah point in ang hmu an awm avangin mi 11 hnenah consolation prize hi pek a ni)

Independence Day pual hian Basketball ,Football leh Tennis tournament neih niin Basketball ahhian Diakkawn Basketball team chu Champion niin Football hi Electric Veng FC leh Venglai FC ten Final an khel a ni.

Independence day lawmna hun Kolasib Sports Stadium -a neih zawh hnu hian Chief Guest hovin official leh mi sawm bikte tan DC Bungalow ah ‘VIP’s At Home’ function neih a ni.

Chawhnu lamah Minister hian Football Final chu hawngin Mizoram siamthatu nang leh kei kan ni a, a chhiat leh that ah mawh kan phur a ni, a ti a. Kolasib chu Mizoram khaw lar Mizoram tan a pawimawh , kan chak lakluhna ber anih avangin kawng tamtak ah mawhphurhna kan ngah hle a ni a ti a.District hmasawnna tana thawh chu kan ram tana thawk kanni tih hre reng a theihtawp chhuah turin mipuite a chah a ni.