1604/2024-2025

Saitual, the 15th August, 2024: Vawiin khan India ramin zalenna a neih champha phak lawmna hun chu India ram hmun dangte rualin Keifang Centenary Sports Complex, Saitual-ah neih a ni a, Minister zahawm tak Prof. Lalnilawma chu khuallian a ni a, hnam puanzar pawt pharhin Parade Contingent 14-te chibai a chhang let.

Khuallian chuan India ram tana ni ropui tak Independence Day Vawi-78 na hmang tura Saitual mipui kalkhawmte chu chibai a buk a. India chuan zalenna sualtute chu a hre reng a ni tih sawiin India khua leh tui kan nih anga he ni pawimawh tak hi kan ngaihhlut deuh deuh a tul tih a sawi.   

Independence Day lawmnaah hian Nasha Mukt Bharat Abhiyaan kum li tlin lawmna kan hmang tel bawk tih kan rilrua dah turin Khuallian chuan mipuite a ngen a. He hmalaknain a tum ber chu ruihhlo laka fihlim ram siam a nih avangin thalaite ruihhlo tel lo nun hrisel tak an neih theih nan invawng tak chunga, a tulna apianga hma la zel turin a sawm nghal a ni. 

Khuallian hian September, 2023-July, 2024 chhunga Department hrang hrang kaltlanga Sawrkarin Saitual district hmasawn nana a hmalakna hrang hrang langsar zualte a tarlang a. Chung Department hrang hrang hnuaia hmalakna te leh Khuallian thusawi hi a kimchang zawkin a hnuaia link-ah hian chhiar theih a ni e.  

dipr.mizoram.gov.in/post/independence-day-78-na-a-khuallian-minister-prof-lalnilawma-thusawi-keifang-centenary-sports-complex-saitual-15th-august-2024

Vawiina Saituala Independence Day lawmnaah hian Khuallian Prof. Lalnilawma  chuan a hnuaia mite hnenah hian chawimawina a hlan:   

Salvation Army, Saitual Corps Band Master - Hmingthanmawia 

Parade Commander- S.I. Lalhmuakliana, Saitual P/S

Second Commander- Hav. J. Zothansanga, 2nd IR Bn. Saitual Post 

School parade contingent lawmman dawngtute chu: 

1st Position: Govt. High School, Keifang Contingent 


2nd Position: Presbyterian English School, Keifang Contingent 


3rd Position: Govt. Higher Secondary School, Saitual Contingent 

Kawng hrang hranga Saitual District tihmingthatute chawimawina hlan nghal an ni a. Chungte chu: 

1. Samuel Lalbiakhlua s/o MS Dawngzuala, Saitual Venglai:- Paragliding Professional Course hlawhtling taking a zo a, khawvela Certified Paragliding Pilot naupang ber ‘Young Paraglider’ niin World Record a siam.  

2. Inspector Lalnunzira, O.C Saitual Police Station:- Rinawm leh taima taka a hna thawh that avanga Padak Medal (Antrik Suraksha Seva) in Counter Insurgency / Inter Security Operation chawimawina a hlawh chhuak. 

3. Pu T. Lalramnghaka, Headmaster, Govt. Selchhunga P/S Saitual:- Zirtirtu tha chawimawina “Mizoram State Award to Teacher, 2024’ a dawng. 

4. PC Lalrinzuala s/o PC Laihnuna, Maite:- Mahni tha leh zung senga thingphun leh nungcha humhalh kawnga nasa taka hma a lak avangin Green Mizoram State Award hial a dawng.

5.  i) Laldingliana s/o Malsawmtluanga, Saitual Chawnpui veng (Govt. Saitual High School):- SCERT & NCERT te buatsaih 42nd State Level Science, Mathematics & Environment Exhibition 2024-a Communication & Transportation Sub-theme-a ‘Application of DC Motors for transportation and Generation of Electricity’ Model-ah District aiawhin lawmman pakhatna a la. 

ii) PC Lalrinpuii s/o PC Lalramnghaka, Saitual Chawnpui veng (Govt. Saitual High School):- SCERT & NCERT te buatsaih 42nd State Level Science, Mathematics & Environment Exhibition 2024-a “Computational Thingking” Sub-theme-a ‘Automatic Gate System’ Model-ah District aiawhin lawmman pakhatna la. 

iii) Vanlalrinmawii Khiangte d/o K. Lalhriata, Saitual Venglai (Govt. Saitual High School):- SCERT & NCERT te buatsaih 42nd State Level Science, Mathematics & Environment Exhibition 2024-a "Mission Lifestyle” Sub-theme-a ‘Reuse and Recycle of Waste Material’ Model-ah District aiawhin lawmman pakhatna la. 

6. i) Rebek Lalmawipuii d/o Lalramenga, Saitual Venglai leh

ii) Lalhmangaihzuali d/o Isaak Malsawmtluanga, Saitual Venglai (Govt. Saitual Higher Sec. School) Mizoram Higher Seconday School te inelna National Space Day Celebration Quiz 2024-a lawmman pakhatna la 

7. i) Vanlalbela s/o Caleb Lalhmachhuana, Keifang:- 15th Mizoram Shooting Championship 2024, Mizoram Rifle Association Shooting Gallery-a neih zawh takah Air Pistol (Youth Men) inelna huangah lawmman pakhatna la  

ii) Lalramdinpuii d/o Lalrinsangi Sailo, Keifang:- 15th Mizoram Shooting Championship 2024, Mizoram Rifle Association Shooting Gallery-a neih zawh takah Air Pistol (Jr. Women) leh Standard Pistol .22 25 Meters (Jr. Women) inelna huangahte lawmman pakhatna a la.  

Lawmman semna neih zawhah hian hnam puanzar chibai bukna neih niin lawmna hun hi khar a ni. Keifang Centenary Sports Complex-a hun hman zawh hian DC Bangla-ah sawm bikte pualin ‘VIP at home’ hman a ni bawk.  

Khuallian Minister Prof. Lalnilawma chuan Rashtriya Gram Swaraj Abhiyan (RGSA) hnuaiah Local Administration Department (LAD) kaltlangin Tawizo leh Thingsul-Tlangnuamah te computer set a sem nghal a ni.