1692/2024-2025

Kolasib Dated the 22nd August, 2024: Vawiin khan DC Conference Hall, Kolasib-ah Intensified IEC Campaign, India Fight Against HIV/AIDS & STIs’ programme Kolasib district-a kalpui dan tur chungchangah thutkhawmna neih a ni a. Pi B Malsawmtluangi, Addl. DC Kolasib chuan he thutkhawm hi a kaihruai a ni.

Vawiin thutkhawmah hian Kolasib district huamchhungah HIV/AIDS & STIs Campaign chungchang - Implementation of intensive IEC Campaign ‘India Fight Against programme kalpui dan tur chungchang tlangpui sawiho a ni a. Sampoorna Suraksha Kendra (SSK) Kolasib ah  din thar dan tur leh a building sak dan tur te, centre-a thawktu tur lak dan tur chungchang sawiho a ni a. Red Ribbon School Quiz Competition on HIV/AIDS for school students kalpui dan tur chungchang sawiho a ni bawk.

Intensified IEC Campaign, India Fight Against HIV/AIDS & STIs’ programme ah hian school naupang leh college zirlaite tan HIV/AIDS & STIs’ chungchangah Awareness a tam thei ang ber nei tura ruahman a ni a. Debate leh flash mob dancing intihsiakna kalpui dan turte,  hemi campaign denchhen hian Rally neih dan tur leh a kharna hun Closing function Diakkawn YMA Hall-ah neih tur chungchang sawiho a ni. Hemi hunah hian Govt. Kolasib College, DIET, School of Nursing, Thingdawl, CZS Higher Secondary, St. John Higher Secondary School te leh High School panga atangin zirlai naupangte tel tura ruahman a ni a. Intihsiakna tur heng- Placard leh Photo booth siam te sawiho niin lawmman siamsak dan tur te pawh sawiho a ni. 

Intensified IEC Campaign, India Fight Against HIV/AIDS & STIs’ programme hi September thla chhunga a kharna hun neih tura ruahman a ni.

Vawiin Program ahhian Addl DC bakah  Sr CMO Dr RK Lalthlamuana leh Dr Saichhingpuii Sailo, Member Secy DAPCC Kolasib District leh DAPCC member te an tel a ni.