Vawiin khan Kolasib St.Joseph’s Parish hall ah ‘Empowering Persons with Disabilities and Ensuring Inclusiveness and Equality’ tih thupui hmangin International Day of Persons with Disabilities hman a ni.

He huna Khuallian Dr.Arun T, IAS, Kolasib Bawrhsap chuan vohbik te ni hmang tura lo kal zawng zawngte chu chibai bukin “Mihring thenkhat chuan tlakchham leh harsatna nei mah ila kawng dangah midang te chan ve loh leh neih ve loh mibik nihna te kan nei thin a”, he huna vohbik lo kal te pawh fu ke kim ina an ti theiloh tam tak ti thei tu an ni tih inhre reng in hma lam pan zel turin a fuih a ni. Khuallian chuan District Administration pawhin heng mibik te hi a ngaihsak a, kawng tin renga puih  a inhuam thu sawiin harsatna an neih te chu inthlahrung hauh loa hrilh hre thin turin a sawm bawk a, kumin International Day of Persons with Disabilities thupui ina a ken tel angin heng vohbik te hi khawtlang nun hona leh Sawrkar hmalakna reng rengah hian an tel in an leng vek (Inclusiveness) tur a ni a, Khua leh tui tha chuan Vohbik te tana an nitin khawsakna leh chet tlat vel na te a lo awlsam zawk na tur kawng kan ngaituah pui reng tur ani ati bawk. Hemi bakah hian Sawrkar Scheme hrang hrang hnuaia an chanvo te chu zau thei ang bera puanzar sak an ngaih thu tarlangin, heng an chanvo te hi an chan ngei theih nan hma kan lak pui theuh a tul ani a ti bawk.

Bawrhsap Dr.Arun T, IAS chuan he hunah hian Mizorama a hmasa ber na ni turin Khaw hmuh lama harsatna nei te (visually challenged) tana buatsaih Braille Textbook chu tlangzarhin heng lehkhabu te hian khawhmuh lama harsatna nei te tan chona leh phurna nasa lehzual a pek a beisei thu sawiin heng mibik te tana zirlai bu buatsaih theih ani chu hmasawnna chhinchhiah tlak tak ani tiin Duhsakna nen Blind Students aiawh hnenah lehkhabu (Braille textbook) hi a hlan bawk a ni.

He hunah hian Khaw hmuh lama harsatna nei (visually challenged) zirlai te aiawhin Kolasib Salavtion Home for the Blind a cheng St.John’S Higher Secondary School zirlai ‘Vahneichhi’ chuan an pual a zirlai bu buatsaih fel ani chu thil lawmawm tak leh chhinchhiah tlak tak anih thu a sawi a, an pual a Zirlai bu peihfel ani tih a hriat ni November ni 26, 2018 chu a Diary ah ‘A Day of Dream Come True’ tiin a chhinchhiah thu tarlangin an tan chuan heng zirlai bu (Braille Textbook) te hi Rangkachak ai pawha thil Hlu a nih thu a sawi bawk a ni.

Vohbik te ni a prawkram hman na ah hian Pu R Lalramhluna, Dy. DPC, RMSA Kolasib District chuan kalkhawm zawng zawngte tan inlawmna thu sawiin, Pi Sailopari CDPO, Thingdawl & Bilkhawthlir ICDS chuan Sawrkar Scheme hrang hrang hnuaia Vohbik te chanvo sawizauna hun a hmang a, Salvation Army Major Lalliankunga, Social Services Secretary & Programme Director, Community Health Action Network, India Eastern Territory pawhin thusawina hun hmangin Pu JR Lalhruaitluanga DPC SSA & SDEO Kolasib District chuan lawmthu sawina in hnu a khar a ni.

Sikul hrang hranga zirlai bakah hostel a awm te leh Kolasib District a School Education Department (RMSA leh SSA), Social Welfare Department a thawkte leh Department hrang hranga Head of Offices te leh Salvation Army Home for the Blind bakah Mizoram Peoples’ Forum aiawh ten he hun hi an hmanpui a, Prawkram pangai hman zawh hnu in Chawhnu lamah vohbik te tan intihhlimna tawi buatsaih bawk a ni.