Vawiin chawhma khan Cultural Heritage Center Lunglei ah SSA,RMSA leh Social Welfare Department te tangkawp a buatsaih Rualbanlo te ni Special Olympics Cum Observation of International Day of Persons with Disabilities 2018 hman ani.Thupui ah Empowering Persons with Disabilities and ensuring Inclusiveness and Equality tih hman ani.Dr. Ankita Chakravarty, IAS, Deputy Commissioner, Lunglei chu khuallian niin a hmanpui.

Rualbanlo te Ni inkhawm Pu Micky Lalenkawla, DPC, SSA Lunglei kaihhruaiah hian Dr. Ankita Chakravarty chuan Rualbanlo te dikna leh chanvo humhalhsaka kohhran, khawtlang, ram leh hnam tan leh eizawnna kawnga hma an sawn theihna tura buatsaih hi a pawimawh a ni, a ti a. Mipui mimirin rualbanlote kan en dan ah hmasawnna tur kan ngah a, hmusit leh enhrang mai lovin inangkhat a kan en a ngai a, tanpui an ngaihna laiah tanpuia, dawm kang zawk turin a chah bawk a ni. Rualbanlo te zirtirna kawng ah zirtirtu ten mawhphurna thui tak an neih angin DC chuan duat tak leh tha taka enkawl  turin a fuih a. Rualbanlo te chawikanna kawngah mitinin mawhphurna kan nei theuh a ni tih hria a, tan la thar turin a chah bawk.

Lunglei District ah Rualbanlo 673 awmin, SSA, RMSA leh Social Welfare Dept. te hmalakna in Health Camp te buatsaih sak thin an ni a, School naupang te hnenah handicape stipen pekthin ani bawk.

Rualbanlo te Ni pual hian intihhlimna hun hman ani bawk.